რუსეთი მსოფლიოში პირველია, ვინც ოფიციალურად აღიარა ავღანეთის ისლამური საამირო
აღიარების შემდეგ, თალიბანმა ისლამური საამიროს დროშა აღმართა მოსკოვში ავღანეთის საელჩოზე.
2025 წლის 3 ივლისს, რუსეთის პრეზიდენტმა ვლადიმერ პუტინმა გადაწყვიტა ოფიციალურად აღიაროს ავღანეთის ისლამური საამირო. მსოფლიოს არცერთ სხვა ქვეყანას ჯერ არ უღიარებია ოფიციალურად თალიბანის რეჟიმი ავღანეთში. ამის შესახებ საინფორმაციო სააგენტო TASS იტყობინება.
რუსეთის პრეზიდენტმა გადაწყვიტა ე.წ. ავღანეთის ისლამური საამიროს აღიარება საგარეო საქმეთა მინისტრის, სერგეი ლავროვის რეკომენდაციით. ეს სახელი თალიბანის მოძრაობამ შემოიღო ქვეყანაში ძალაუფლების ხელში ჩაგდების და ახალი სახელმწიფოებრივი სტრუქტურის გამოცხადების შემდეგ.
რუსეთის მიერ ავღანეთის ისლამური საამიროს აღიარების შესახებ განცხადებიდან მალევე, მოსკოვში ავღანეთის საელჩოს თანამშრომლები შენობის აივანზე გავიდნენ და ამ რეჟიმის დროშა დაკიდეს. ასევე ვრცელდება ინფორმაცია, რომ რუსეთის ფედერაციის საგარეო საქმეთა მინისტრის მოადგილემ ანდრეი რუდენკომ ოფიციალურად მიიღო რუსეთში თალიბანის ახალი ელჩის, გულ ჰასან ჰასანის, რწმუნებათა სიგელების ასლები. რუსეთის საგარეო საქმეთა სამინისტრო დარწმუნებულია, რომ თალიბანის მთავრობის ოფიციალური აღიარება „ორმხრივი თანამშრომლობის განვითარებას ბიძგს მისცემს“. ამ ეტაპზე, მსოფლიოს არცერთ სხვა ქვეყანას არ უღიარებია ქაბულის რეჟიმი ლეგიტიმურად.
მანამდე, მჟკ-მა დაწერა, რომ რუსეთის ფედერაციაში მყოფი მიგრანტების ნახევარი შარიათს სახელმწიფოს კანონებზე მაღლა აყენებს.
