დონალდ ტრამპმა სირიაში ტერორისტული თავდასხმის ფაქტზე მწუხარება გამოთქვა
ტრამპის სპეციალურმა წარმომადგენელმა განაცხადა, რომ აშშ-ის ხელისუფლება კვლავაც „სირიის მთავრობის გვერდით დგას მათ წინააღმდეგ ბრძოლაში, ვინც ქვეყანაში არასტაბილურობისა და შიშის დათესვას ცდილობს“.
სირიის საკითხებში სპეციალურმა წარმომადგენელმა ტომ ბარაკმა, დონალდ ტრამპისა და ამერიკელი ხალხის სახელით, სამძიმარი გამოუცხადა დამასკოში წმინდა ელიას მართლმადიდებლურ ეკლესიაზე ტერორისტული თავდასხმის შედეგად დაღუპულთა და დაშავებულთა ოჯახებს.
სოციალურ ქსელ X-ში (ყოფილი Twitter) ტომ ბარაკმა დაწერა: „დონალდ ტრამპისა და ამერიკელი ხალხის სახელით, ჩვენ ვუსამძიმრებთ გარდაცვლილთა ოჯახებს და ყველას, ვინც დაზარალდა ალ-დუვაილში, მარ ელიას ეკლესიაზე დღეს მომხდარი ტერორისტული თავდასხმის შედეგად“.
„ამ საშინელ სიმხდალეს ადგილი არ აქვს ინტეგრირებული ტოლერანტობისა და ინკლუზიურობის ახალ ტილოში, რომელსაც სირიელები საკუთარი ძალისხმევით ქმნიან“, - დაწერა ბარაკმა.
მან აღნიშნა, რომ აშშ-ის ხელისუფლება კვლავაც „სირიის მთავრობის გვერდით დგას მათ წინააღმდეგ ბრძოლაში, ვინც ქვეყანაში და ფართო რეგიონში არასტაბილურობისა და შიშის დათესვას ცდილობს“.
ადრე, მჟკ-მა დაწერა, რომ ტერორისტებმა სირიაში მართლმადიდებლურ ეკლესიაში 15 ადამიანი მოკლეს.
