იტალიაში, ვანდალმა მოსკოვის საპატრიარქოს ეკლესია დაარბია
ვანდალმ ატაძრის კარები გატეხა, სასანთლეები დაყარა და მაცხოვრის ხატი დააზიანა.
2025 წლის 9 ივნისს, იტალიის ქალაქ ოლბიაში (სარდინია), ვანდალიზმის აქტი მოსკოვის საპატრიარქოს სამრევლო მართლმადიდებლურ სამლოცველოში - სანტა კროჩეში მოხდა. ამის შესახებ Olbia.it იტყობინება.
ღამით, თავდამსხმელმა კარი ჩაამტვრია, სასანთლეები დაამხო, იატაკზე ზეთი დაასხა და მაცხოვრი ხატი დააზიანა.
დანაშაულის ადგილზე პოლიციამ თავდამსხმელის მობილური ტელეფონი იპოვა. ამან მათ საშუალება მისცა სწრაფად დაედგინათ მისი ვინაობა. კვირა საღამოს, მამაკაცი ნებაყოფლობით ჩაბარდა პოლიციას და აღიარა დანაშაული.
სანტა კროჩეს სამლოცველო სან პაოლოს კათოლიკური ეკლესიის გვერდით მდებარეობს და რამდენიმე წლის განმავლობაში მას მოსკოვის საპატრიარქოს მართლმადიდებლური თემი იყენებდა, რომელსაც მღვდელი ნიკოლაი ვოლსკი ხელმძღვანელობს. წირვა-ლოცვა თვეში ორჯერ ტარდება და მას დაახლოებით 50 მორწმუნე ესწრება უკრაინიდან, რუსეთიდან, მოლდოვიდან, ბელორუსიიდან, სერბეთიდან და საქართველოდან.
მამა ნიკოლაი ვოლსკიმ ინციდენტთან დაკავშირებით კომენტარი გააკეთა: „ძალიან დამწუხრებული ვარ. ჩვენ ვილოცებთ ამისთვის, ჩვენს გულებში და მთელ მსოფლიოში მშვიდობისთვის“.
სან პაოლოს კათოლიკური ეკლესიის წინამძღვარმა მხარდაჭერის სიტყვები გამოთქვა:
„სულთმოფენობის დღეს, სან პაოლოს სამრევლო ლოცვაში სიახლოვეს გამოხატავს სანტა კროჩეს სამლოცველოს მიმართ, რომელიც მოსკოვის საპატრიარქოს მართლმადიდებლურ თემს გადაეცა. ეს აშკარად ანტიქრისტიანული აქტია, რომელიც როგორც ურწმუნოებას, ასევე სიმხდალეს გამოხატავდა“.
გამოძიება გრძელდება. ვანდალიზმისა და საკულტო ადგილის შეურაცხყოფის ფაქტებზე საქმე აღიძრა.
ადრე, მჟკ-მ დაწერა, რომ ვანდალმა ვატიკანში მოციქულ პეტრეს ტაძრის საკურთხეველი გაანადგურა.
