პაპის არჩევნების კონკლავის პირველი სესიის თარიღი გამოცხადდა
კონკლავის თარიღი ვატიკანში კარდინალების დახურულ შეხვედრაზე დაინიშნა, რაც პირველი იყო შაბათს პაპ ფრანცისკეს დაკრძალვის შემდეგ.
რომის კათოლიკე კარდინალები ეკლესიის ახალი მეთაურის ასარჩევად საიდუმლო კონკლავზე შეიკრიბებიან, რომელიც 7 მაისს დაიწყება. ამის შესახებ „როიტერს“ ვატიკანში მაღალჩინოსანმა განუცხადა.
კონკლავის თარიღი ვატიკანში კარდინალების დახურულ შეხვედრაზე დაინიშნა, რაც პირველი იყო შაბათს პაპ ფრანცისკეს დაკრძალვის შემდეგ. ოფიციალური განცხადება მალე არის მოსალოდნელი.
კონკლავში მონაწილეობის უფლება აქვს მსოფლიოს სხვადასხვა ქვეყნის წარმომადგენელ დაახლოებით 135 კარდინალს, რომელთა ასაკი 80 წელს არ აღემატება. სწორედ მათ მოუწევთ კათოლიკური ეკლესიის ახალი მეთაურის არჩევა, რომელსაც დაახლოებით 1.4 მილიარდი მორწმუნე ჰყავს.
წინა ორი კონკლავი, 2005 და 2013 წლებში, ორ დღეში დასრულდა.
მჟკ-მა დაწერა, რომ ვატიკანმა ახალი პაპის არჩევნებისთვის მოსამზადებლად სიქსტის კაპელა დახურა.
