მაკა ბოჭორიშვილი იერუსალიმის პატრიარქს შეხვდა
საქართველოს საგარეო საქმეთა მინისტრმა თეოფილე III-ს აღსაყდრებიდან 20 წლის იუბილე მიულოცა და საერთაშორისო მშვიდობის საქმეში ეკლესიის მნიშვნელობაზე ისაუბრა.
იერუსალიმში ოფიციალური ვიზიტით მყოფმა საქართველოს საგარეო საქმეთა მინისტრი მაკა ბოჭორიშვილი, შეხვედრა გამართა იერუსალიმის პატრიარქ თეოფილე III-სთან. მხარეებმა საქართველოსა და იერუსალიმის ეკლესიებს შორის მრავალსაუკუნოვანი ისტორიული და სულიერი კავშირები მიმოიხილეს და აღნიშნეს, რომ ეს ურთიერთობა განსაკუთრებულ მნიშვნელობას ინარჩუნებს როგორც საეკლესიო, ისე კულტურულ-თემატურ დონეზე. ინფორმაციას საგარეო საქმეთა სამინისტრო ავრცელებს.
შეხვედრაზე საგანგებო ყურადღება დაეთმო მართლმადიდებლური ეკლესიის მშვიდობისმყოფელ წვლილს მსოფლიო და რეგიონალურ სტაბილურობაში. მაკა ბოჭორიშვილმა პატრიარქ თეოფილე III-ს აღსაყდრებიდან 20 წლის იუბილე მიულოცა და მას წინამძღვრობაში ძლიერი ჯანმრთელობა და წარმატება უსურვა.
თეოფილე III-მ მინისტრი და ოფიციალური დელეგაციის წევრები დალოცა, მადლობა გადაუხადა მათ ვიზიტისთვის და საქართველოს სამომავლო საქმიანობაში მშვიდობა, კეთილდღეობა და წარმატება უსურვა.
ვიზიტის ფარგლებში, მაკა ბოჭორიშვილი დელეგაციასთან ერთად მაცხოვრის აღდგომის ტაძარს ეწვია, სადაც მაცხოვრის ყოვლადწმინდა საფლავი და გოლგოთა მოინახულა.
მართლმადიდებელ ჟურნალისტთა კავშირი წერდა, თეოფილე III: მსოფლიომ წინააღმდეგობა უნდა გაუწიოს ექსტრემისტებს, სანამ დროა.
