დასავლეთ ევროპის ეპარქიაში მეუფე აბრაამის დაბადების დღე აღნიშნეს
სამღვდელოებამ და მრევლმა ეპარქიის მმართველს მადლიერებით უსურვეა მრავალჟამიერი სიცოცხლე და მღვდელმთავრული მოღვაწეობის გაგრძელება.
დასავლეთ ევროპის ეპარქიის ოფიციალური Facebook გვერდის ცნობით, ეპარქიის სამღვდელოებამ და მორწმუნე მრევლმა ეპარქიის მმართველს, მის მაღალყოვლადუსამღვდელოესობას, მეუფე აბრაამს (გარმელია) დაბადების დღე მიულოცეს.
„ჩვენ, ეპარქიის სამღვდელოება და მორწმუნე მრევლი, მადლიერებით აღვსილნი შევთხოვთ უფალ ღმერთს, მომადლოს მრავალჟამიერი სიცოცხლე და მეუფება მის მაღალყოვლადუსამღვდელოესობას, რათა კიდევ მრავალი წელი ასე მამობრივი ზრუნვით მასთან ერთად და მის მსახურებაში, განვაგრძოთ მოღვაწეობა დედა ეკლესიის წიაღში,“ — აღნიშნულია მილოცვაში.
დასასრულს, ეპარქიის სამღვდელოების სახელით მილოცვას აქვეყნებს არქიმანდრიტი მოსე (ჭანკვეტაძე).
მართლმადიდებელ ჟურნალისტთა კავშირი წერდა, ესპანეთში იმართება უმე-ის დასავლეთ ევროპის სასულიერო პირების მეორე შეხვედრა.
