რუსეთის პრეზიდენტის ჯილდო პატრიარქ კირილს გადაეცა
პატრიარქმა კირილმა ეროვნული ერთიანობის განმტკიცებაში შეტანილი წვლილისთვის პრემია მიიღო კრემლში, სახელმწიფო ჯილდოების ცერემონიაზე.
2025 წლის 4 ნოემბერს, ეროვნული ერთიანობის დღის აღსანიშნავად, კრემლში გაიმართა სახელმწიფო ჯილდოების და რუსეთის პრეზიდენტის ჯილდოს გადაცემის ცერემონია. მაღალი ჯილდოები თავად ვლადიმერ პუტინმა გადასცა, რომელმაც შეკრებილებს დღესასწაული მიულოცა. იფორმაციას romfea.gr ავრცელებს.
წლის 2023-2025 პერიოდისთვის პრეზიდენტის ჯილდოს მფლობელებს შორის იყო მოსკოვისა და სრულიად რუსეთის პატრიარქი კირილი, რომელიც ცერემონიაში პირადად მონაწილეობდა. პატრიარქ კირილს ჯილდო ეროვნული ერთიანობის განმტკიცებაში შეტანილი წვლილისთვის მიენიჭა.
ვლადიმერ პუტინმა აღნიშნა, რომ დღესასწაული გმირობისა და ერთიანობის ხსოვნისთვის დაწესდა, რაც საუკუნეების წინ ქვეყნის დამოუკიდებლობის დასაცავად იბრძოდა. „მართლაც, ჩვენი წინაპრების ერთიანობამ და პასუხისმგებლობამ შესაძლებლობა მისცა სახელმწიფო გაძლიერებულიყო, ფესვებისა და ზნეობრივი პრინციპების ერთგულება დაცულიყო. ჩვენ კი ამ ტრადიციების დაცვით ვიცავთ რუსეთის სუვერენიტეტს, პატივსა და ღირსებას მშვიდობიანი, შემოქმედებითი და სამხედრო შრომით“, – განაცხადა პრეზიდენტმა.
პუტინმა ასევე განსაკუთრებული ყურადღება გაამახვილა პატრიარქ კირილის როლზე: „მსოფლიო რუსი ხალხის საბჭოს ხელმძღვანელი, უწმინდესი კირილი, დაუღალავად უჭერს მხარს დიალოგსა და თანამშრომლობას რუსეთში არსებულ კონსტრუქციულ ძალებსა და უცხოეთში მცხოვრებ რუსულ თემებს შორის. გულწრფელად მადლობას ვუხდი მის უწმინდესობას რუსი ერის ერთიანობის განმტკიცებაში შეტანილი უზარმაზარი წვლილისთვის და ვულოცავ ჯილდოს საპატიო ლაურეატის წოდებას“.
ადრე მჟკ-მა დაწერა, რომ საბერძნეთის ეკლესიამ 2024 წლის საქველმოქმედი ანგარიში გამოაქვეყნა.
