მიტროპოლიტმა შიომ ათონის წმინდა მთის ვატოპედის მონასტრის წინამძღვარი და მისი საძმო მიიღო
30 ოქტომბერს, საპატრიარქო ტახტის მოსაყდრემ, მიტროპოლიტმა შიომ (მუჯირი) საპატრიარქოში მიიღო ვატოპედის მონასტრის წინამძღვარი არქიმანდრიტი ეფრემი (კუცუ) მონასტრის წევრებთან ერთად.
2025 წლის 30 ოქტომბერს, საქართველოს საპატრიარქოში გაიმართა საპატრიარქო ტახტის მოსაყდრის, სენაკისა და ჩხოროწყუს მიტროპოლიტ შიოს (მუჯირი) შეხვედრა ათონის წმინდა მთის ვატოპედის მონასტრის წინამძღვართან, არქიმანდრიტ ეფრემთან (კუცუ) და მონასტრის საძმოს წევრებთან.
შეხვედრას ესწრებოდნენ საპატრიარქოს საზოგადოებასთან ურთიერთობის სამსახურის წარმომადგენლები და სხვა მოწვეული სტუმრები.
ვიზიტი გულთბილ და მეგობრულ გარემოში გაიმართა. საუბარი შეეხო სულიერ საკითხებს, მართლმადიდებელი ეკლესიების ურთიერთობებსა და ათონის წმინდა მთასა და საქართველოს შორის არსებულ მჭიდრო კავშირებს.
შეხვედრის დასასრულს მიტროპოლიტმა შიომ და არქიმანდრიტმა ეფრემმა სამახსოვრო საჩუქრები გაცვალეს.
მართლმადიდებელ ჟურნალისტთა კავშირი წერდა, წმინდა ალექსანდრე ნეველის სახელობის ტაძარში ღვთისმსახურება ჩატარდა.
