პრემიერ-მინისტრი ირაკლი კობახიძე შვილებთან ერთად პატრიარქს ესტუმრა

ირაკლი კობახიძემ უწმინდესსა და უნეტარეს ილია მეორეს მადლობა გადაუხადა ქვეყნის სულიერი გაძლიერებისთვის და აღნიშნა, რომ პატრიარქის სიბრძნემ განსაზღვრა საქართველოს ეკლესიისა და ერის სიმტკიცე.

საქართველოს პრემიერ-მინისტრი ირაკლი კობახიძე, შვილებთან ერთად, სრულიად საქართველოს კათოლიკოს-პატრიარქს, ილია მეორეს საპატრიარქოში ესტუმრა. უწმინდესმა მთავრობის მეთაური და მისი შვილები დალოცა.

პრემიერ-მინისტრმა პატრიარქს მრავალწლიანი მოღვაწეობისთვის მადლობა გადაუხადა. ირაკლი კობახიძემ აღნიშნა, რომ სწორედ უწმინდესის სიბრძნემ გააძლიერა საქართველოს მართლმადიდებელი ეკლესია და ქართველი ხალხის რწმენა, რელიგიური იდენტობისა და ქრისტიანული ფასეულობების დაცვა და შენარჩუნება კი ქვეყნის ძლიერების ერთ-ერთი უმთავრესი საფუძველია.

მართლმადიდებელ ჟურნალისტთა კავშირი წერდა, პატრიარქმა სამძიმარი გამოუცხადა დეკანოზ მიქაელის ოჯახს.