„მე ვეუბნები „დიახ“ ქრისტიანულ ევროპას, „არა“ გეი ევროპას“, - მოლდოველი ეპისკოპოსი
მთავარასკოპოსმა მარკელმა ლგბტ პროპაგანდის წინააღმდეგ ისაუბრა.
მოლდოვას მართლმადიდებლური ეკლესიის ერთ-ერთმა წამყვანმა იერარქმა, მთავარეპისკოპოსმა მარკელმა, როიტერთან კომენტარში მკვეთრად გააკრიტიკა ევროკავშირში ლგბტ დღის წესრიგის დაწესება. ინფორმაციას Reuters ავრცელებს.
„ეს ყველაზე დიდი ცოდვაა“, - თქვა მთავარეპისკოპოსმა. „მე ვეუბნები „დიახ“ კულტურულ, ქრისტიანულ ევროპას. მე ვეუბნები „არა“ გეი ევროპას. თუ გეებთან ერთად მოდიხარ, ჯობია საერთოდ არ მოხვიდე“.
ეს განცხადებები 28 სექტემბრის საპარლამენტო არჩევნების წინა დღეს გაკეთდა, რომელმაც შეიძლება განსაზღვროს მოლდოვას გეოპოლიტიკური მომავალი.
როიტერმა რუსეთის მართლმადიდებლური ეკლესია არჩევნებზე გავლენის მოხდენის მცდელობაში დაადანაშაულა და განაცხადა, რომ 2024 წელს მოლდოველი მართლმადიდებელი მღვდლების მომლოცველობის დროს მათ რუსეთის სახელმწიფო ბანკიდან ასობით დოლარის შემცველი სადებეტო ბარათები გადასცეს. მთავარეპისკოპოს მარკელის თქმით, საბანკო ბარათები გაიცა იმისთვის, რომ სასულიერო პირებს მომლოცველობის დროს ეკლესიის მაღაზიებში რელიგიური ატრიბუტიკის შეძენა შეძლებოდათ.
მთავარეპისკოპოსმა მარკელმა უსაფუძვლო და შეთხზული უწოდა ნებისმიერ საუბარს რუსეთის მიერ არჩევნებზე გავლენის მოხდენის კამპანიაზე, რომელიც მიზნად ისახავს მოლდოველი ლიდერების მიერ ამომრჩევლის საჭიროებების დაკმაყოფილების უუნარობის დაფარვას.
შეგახსენებთ, სანდუ ამტკიცებს, რომ რუსეთის მართლმადიდებლური ეკლესიის სასულიერო პირები პროპაგანდის გავრცელებით გავლენას ახდენენ არჩევნებზე.
