სამთავისისა და კასპის ეპარქიაში „ღირებულებითი განათლების“ კლუბები ფუნქციონირებს
ყოველკვირეული შეხვედრები ბავშვებსა და მოზარდებში მნიშვნელოვანი ღირებულებების გააზრებასა და განვითარებას ემსახურება.
მიმდინარე წლის 21 სექტემბრიდან სამთავისისა და კასპის ეპარქიის 15 საჯარო სკოლაში „ღირებულებითი განათლების“ კლუბები აქტიურად ფუნქციონირებს. შეხვედრები ყოველკვირეულად იმართება და წარმატებით მიმდინარეობს.
კლუბების მიზანია, ბავშვებსა და მოზარდებს დაეხმაროს მნიშვნელოვანი ღირებულებების გააზრებასა და განვითარებაში, ხელი შეუწყოს მათ პიროვნულ ჩამოყალიბებასა და საკუთარი პასუხისმგებლობის გაცნობიერებას.
შეხვედრების ფარგლებში საუბარი გაიმართა ისეთ საკითხებზე, როგორიცაა ადამიანის მისია, ხედვა და პერსპექტივა, ღირებულებები და თავისუფლება. აღნიშნული თემები მოსწავლეებს შესაძლებლობას აძლევს, დაფიქრდნენ საკუთარ მიზნებზე, არჩევანსა და იმ ღირებულებებზე, რომლებიც ადამიანის ცხოვრებასა და საზოგადოებასთან ურთიერთობას განსაზღვრავს.
პროექტი „ღირებულებითი განათლება“ უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის, შიო III-ის ლოცვა-კურთხევით მიმდინარეობს.
მართლმადიდებელ ჟურნალისტთა კავშირი წერდა, ევროპული ენების დღე წმინდა გაბრიელ მთავარეპისკოპოსის სკოლა-გიმნაზიაში.
