დღეს წმიდა ილია მართლის მკვლელობით გარდაცვალების დღეა
საქართველოს მართლმადიდებელი ეკლესია წმიდა ილია მართლის (ჭავჭავაძე) ხსენებას წელიწადში ორჯერ აღნიშნავს.
დღეს წმიდა ილია მართალის (ჭავჭავაძე) (+1907) ხსენების დღეა. ილია ჭავჭავაძე საქართველოს ეკლესიამ წმინდანად 1987 წელში შერაცხა, ხოლო ხსენების დღეები წმინდა სინოდმა 2015 წელს განაწესა.
12 სექტემბერი წმინდა ილია მართლის მკვლელობის (გარდაცვალების) დღეა.
1907 წლის 12 სექტემბერს (ძველი სტილით 30 აგვისტოს) საქართველოს მოუკლეს დიდი ილია ჭავჭავაძე. ერის გონი, სიბრძნე, ზნეობა, სინდისი და მისი თავისუფლებისთვის მებრძოლი სული. „რას სჩადით?!... მე- ილია ვარ!“ - დიახ, ეს სიტყვები დღესაც ბასრი მახვილივით ხვდება გულში თითოეულ ქართველს. საქართველოს გარე და შიდა მტრებმა ვერაგულად და მზაკვრულად აღასრულეს ილიას მკვლელობა და ერის წინამძღოლს ერთი ტყვიით განუგმირეს საქართველოსთვის და ყოველი ქართველისთვის ანთებული გული.
მართლმადიდებელ ჟურნალისტთა კავშირი წერდა, 10 სექტემბერს ეკლესია წმიდა დიდებულ მოწამე დედოფალ შუშანიკს მოიხსენიებს.
