12 მარტს ეკლესია ღირს პროკოპი დეკაპოლელის ხსენებას აღნიშნავს
წმიდანი ხატმებრძოლთა ერესის წინააღმდეგ მტკიცედ იდგა და სარწმუნოების დაცვისთვის სასტიკი ტანჯვა დაითმინა.
მართლმადიდებელი სამოციქულო ეკლესია 12 მარტს ღირს პროკოპი დეკაპოლელს მოიხსენიებს. იგი გალილეის ტბის აღმოსავლეთით, დეკაპოლის – ათქალაქის (მკ. 7,31) ოლქში მოღვაწეობდა და ქრისტიანული სარწმუნოების ერთგული დამცველი იყო.
წმიდა პროკოპი თავის თანამოსაგრესთან, წმიდა ბასილისთან (ხსენება – 28 თებერვალი) და სხვა მართლმადიდებლობის დამცველებთან ერთად მტკიცედ აღუდგა წინ იმ დროისთვის გავრცელებულ ხატმებრძოლთა ერესს. მათი ერთგულება და სიმტკიცე სარწმუნოების მიმართ იმპერატორ ლეონ ისავრიელს (716–741) არ ესიამოვნა. მისი ბრძანებით წმიდა პროკოპი შეიპყრეს, სასტიკად აწამეს და საპყრობილეში ჩააგდეს.
საპყრობილეში იგი წმიდა ბასილისთან ერთად იმყოფებოდა მტარვალი იმპერატორის გარდაცვალებამდე. ლეონ ისავრიელის სიკვდილის შემდეგ წმიდა აღმსარებლები გაათავისუფლეს.
თავისუფლების მოპოვების შემდეგ ღირსმა პროკოპიმ სიცოცხლის დარჩენილი წლები მშვიდობაში გაატარა და ღრმა მოხუცებულობაში, 750 წელს, მიიცვალა. ეკლესია მას წმიდა აღმსარებლად და მართლმადიდებლობის მტკიცე დამცველად იხსენებს.
მართლმადიდებელ ჟურნალისტთა კავშირი წერდა, 10 მარტს მართლმადიდებელი ეკლესია წმინდა პატრიარქ ტარასის ხსენებას აღნიშნავს.
