ხორნაბუჯისა და ჰერეთის ეპისკოპოსის გარდაცვალებიდან ოთხი წელი შესრულდა

დედოფლისწყაროს მუნიციპალიტეტის მერი ეპისკოპოს დიმიტრის სულის მოსახსენიებელ პანაშვიდს დაესწრო.

დედოფლისწყაროს მუნიციპალიტეტის მერი ნიკოლოზ ჯანიაშვილი ხორნაბუჯისა და ჰერეთის ეპისკოპოს დიმიტრის სულის მოსახსენიებელ პანაშვიდს დაესწრო. პანაშვიდი ეპარქიის დროებითმა მმართველმა, მიტროპოლიტმა თეოდორემ გადაიხადა.

სულის მოსახსენიებელი მსახურება ეპისკოპოს დიმიტრის გარდაცვალებიდან ოთხი წლის გასვლასთან დაკავშირებით გაიმართა.

საქართველოს სამოციქულო ავტოკეფალური მართლმადიდებელი ეკლესიის წმინდა სინოდის წევრი, ხორნაბუჯისა და ჰერეთის ეპისკოპოსი დიმიტრი (კაპანაძე) 2022 წლის 23 იანვარს გარდაიცვალა. იგი ხორნაბუჯისა და ჰერეთის ეპარქიას 2015 წლის იანვრიდან ხელმძღვანელობდა და თავისი ღვაწლით მნიშვნელოვანი კვალი დატოვა ეპარქიის სულიერ ცხოვრებაში.

მართლმადიდებელ ჟურნალისტთა კავშირი წერდა, მართლმადიდებელი ეკლესია 23 იანვარს წმიდა გრიგოლ ნოსელის ხსენებას აღნიშნავს.