მართლმადიდებელი ეკლესია 27 ოქტომბერს იხსენიებს წმინდა მოწამეთ ნაზარის, გერვასის, პროტასისა და კელსის
მოციქულთა დროინდელი მარტვილები, რომელთაც ქრისტეს სარწმუნოებისთვის სიცოცხლე გასწირეს.
2025 წლის 27 ოქტომბერს მართლმადიდებელი ეკლესია აღნიშნავს წმინდა მოწამეთა ნაზარის, გერვასის, პროტასისა და კელსის ხსენების დღეს. ისინი ქრისტესთვის მოითმინეს წამება იმპერატორ ნერონის, ზეობისას ქალაქ მედიოლანში (მილანში).
წმინდა ნაზარი, ქრისტიანი დედისა და იუდეველი მამის შვილი, რომში დაიბადა და ეპისკოპოს ლინოსისგან მიიღო ნათლობა. სიყმაწვილიდანვე იგი დაეძღვნა სახარების ქადაგებასა და დევნილ ქრისტიანთა დახმარებას. ქადაგებისას მილანში მან გაიცნო ტყუპი ძმები – გერვასი და პროტასი, რომლებიც მდიდარ რომაელთა შვილები იყვნენ და მშობელთა მოწამეობრივი სიკვდილის შემდეგ მთელი ქონება გლახაკებს დაურიგეს.
წმინდანები დაუცხრომლად ავრცელებდნენ ქრისტეს მოძღვრებას და ამის გამო სასტიკად დევნიდნენ. ნაზარი ქალაქიდან გააძევეს, მაგრამ იგი კვლავ განაგრძობდა ქადაგებას. კიმელაში მან მონათლა ახალგაზრდა კელსი, რომელიც მისი თანამოსაგრე და მოწაფე გახდა. წარმართებმა ისინი მხეცებს მიუგდეს, მაგრამ ნადირებმა ხელი არ დააკრეს; შემდეგ ზღვაში ჩააგდეს, თუმცა ტალღებზე სასწაულებრივად გადარჩნენ.
დევნის მიუხედავად, ნაზარი და კელსი კვლავ დაბრუნდნენ მედიოლანში, სადაც შეხვდნენ გერვასსა და პროტასს. მათი შესახებ რომში მოხსენდა და იმპერატორის ბრძანებით ყველა მოწამე სიკვდილით დასაჯეს, ნაზარი და კელსი თავს მოეკვეთნენ, ხოლო გერვასი და პროტასი სასტიკად აწამეს.
მრავალი წლის შემდეგ, წმინდა ამბროსი მედიოლანელმა საღვთო გამოცხადებით აღმოაჩინა მათთა უხრწნელი წმინდა ნაწილები და ტაძარში გადაასვენა.
წმინდა მოწამეთა ცხოვრება დღესაც გვახსენებს ურყევ სარწმუნოებასა და სიმტკიცეს ქრისტესადმი სიყვარულში.
მართლმადიდებელ ჟურნალისტთა კავშირი წერდა, 26 ოქტომბერს მართლმადიდებლური ეკლესია წმინდა მოწამეების დღეს აღნიშნავს.
