საფრანგეთი ფულის დაზოგვის მიზნით აღდგომის ორშაბათის დღესასწაულს გააუქმებს
პარიზი 2026 წლის ბიუჯეტის ხარჯების შესამცირებლად რადიკალურ ზომებს ამზადებს.
საფრანგეთის მთავრობა 2026 წლის სახელმწიფო ბიუჯეტის პროექტში ორი სახელმწიფო დღესასწაულის - აღდგომის ორშაბათისა და 8 მაისის (ევროპის გამარჯვების დღე) გაუქმებას გეგმავს. ამის შესახებ ფრანგული გაზეთი Les Echos იტყობინება.
პრემიერ-მინისტრ ფრანსუა ბაირუს მიერ მეწარმეებისა და მუშაკთა ასოციაციებისთვის გაგზავნილი წერილის თანახმად, ამ ღონისძიებიდან მიღებული შემოსავალი სახელმწიფო ბიუჯეტისთვის უკვე 2026 წელს 4.2 მილიარდ ევროს უნდა შეადგენდეს.
ხელისუფლება ასეთი გადაწყვეტილების აუცილებლობას იმით ხსნის, რომ ფრანგები ევროპელ კოლეგებზე ნაკლებს მუშაობენ. მაგალითად მოჰყავთ გერმანია, სადაც სრული განაკვეთით დასაქმებულები წელიწადში 1790 საათს მუშაობენ, საფრანგეთში მსგავს პოზიციებზე კი - 1673 საათს.
მინისტრთა კაბინეტი კომპრომისებისთვის მზადაა: თუ ამ დღესასწაულების გაუქმებას სერიოზული წინააღმდეგობა შეხვდება, მთავრობა სხვა დასვენების დღეების გაუქმების შესაძლებლობას განიხილავს.
ადრე მჟკ-მა დაწერა, რომ საფრანგეთი ევროკავშირის ანტიქრისტიანული ქვეყნების სიაში პირველ ადგილზეა.
