უკრაინაში ნაღმებისა და ჭურვების ფრაგმენტებისგან შექმნეს „ხელთუქმნელი მაცხოვარი“
ოქროთი დაფარული გაბრტყელებული ჭურვების „პირსახოცზე“ შავი ფერის სამგანზომილებიანი „ხელთუქმნელი მაცხოვარი“ მოათავსეს.
კიევში ნაღმებისა და ჭურვების ფრაგმენტებისგან დამზადებული „ხელთუქმნელი მაცხოვარი“ წარადგინეს. ე.წ. ხატის ავტორი ამერიკელი სერგეი მელნიკოფია.
მისი თქმით, ქრისტეს სამგანზომილებიანი „ხატი“ არტილერიის ნაღმებისა და ჭურვების შავი ფრაგმენტების ექვსი ფენისგან შედგება. არცერთი მათგანი არ დამუშავებულა მექანიკურად, არამედ ხელით შეირჩა. შემაძრწუნებელი „ხელთუქმნელი მაცხოვარი“ შავი ფერისაა, მოთავსებულია ოქროთი დაფარული 12 და 30 კალიბრის გაბრტყელებული ჭურვების „პირსახოცზე“.
მელნიკოფი ირწმუნება, რომ პროექტზე სამი თვის განმავლობაში შემდუღებელთან ერთად მუშაობდა. მას სახელოსნოში დაახლოებით ორი ტონა ფრაგმენტი აქვს შენახული.
ადრე მჟკ-მა დაწერა, რომ ზელენსკიმ პაპ ფრანცისკეს აჩუქა „ხატი“ ჩვილი იესოს ნაცვლად სიცარიელით.
