სოფელ ვოლნოეს უმე-ს მორწმუნეები შიშობენ, რომ მათ ტაძარს მიიტაცებენ
მეუ-ს აქტივისტებმა უკვე გადააფორმეს უმე-ს სამრევლო თავის სახელზე და მათ ტაძარში შეჭრის მცდელობაც ჰქონდათ.
დნეპროპეტროვსკის ოლქის კრივოი როგის რაიონის სოფელ ვოლნოეს უმე-ს დიდმოწამე და მკურნალ პანტელეიმონის სახელობის სამრევლოს მორწმუნეებს მათი ტაძრის მიტაცების შიში აქვთ, იუწყება ტელეგრამ-არხი «Дозор».
უმე-ს კრივოი როგის ეპარქიის მრევლის მეუ-ში „გადასვლასთან“ დაკავშირებით ჩატარებული კრებიდან ორი წლის შემდეგ ტაძარი ოფიციალურად გადააფორმეს, რის შემდეგაც დუმენკოს ხალხი მის მიტაცებას შეეცადა.
მეუ-ს აქტივისტებმა 2023 წელს უკანონო კრება ჩაატარეს. ვინაიდან საოლქო ადმინისტრაციაში წარდგენილი დოკუმენტები ფალსიფიცირებული იყო (მორწმუნეთა ინფორმაციით), დიდი ხნის განმავლობაში ჩინოვნიკები გადაწყვეტილების მიღებისგან თავს იკავებდნენ, კანონის აშკარა დარღვევის შიშით. თუმცა, ორი წლის შემდეგ - 2025 წლის 3 აპრილს - ტაძარი გადაფორმებული იყო.
«Дозор»-ში წერენ, რომ აღდგომის წინ მეუ-ს წარმომადგენლები ცდილობდნენ ტაძარში შეღწევას, მაგრამ უმე-ს სამრევლომ ეს არ დაუშვა. იტყობინებიან, რომ ეკლესიის ძალისმიერ შეღწევას აგრეთვე პოლიციის წარმომადგენლებმაც შეუშალეს ხელი. ამის შემდეგ, სანამ საკითხი გარჩევის პერიოდშია, ტაძარი დაკეტეს.
დღესდღეობით მეუ-ს აქტივისტები აგრძელებენ სოფლის კლუბთან შეკრებებს და, ადგილობრივ მცხოვრებთა სიტყვებით, ისინი ტაძარზე კონტროლის აღების იმედს არ კარგავენ.
როგორც მჟკ წერდა, 2023 წლის 14 მაისს სოფელ ვოლნოეში კულტურის სახლთან ადგილობრივ მაცხოვრებელთა კრებაზე იყო „მიღებული გადაწყვეტილება“ უმე-ს პანტელეიმონის სამრევლოს მეუ-ში გადაყვანის შესახებ. ღონისძიება, რომელსაც „სამრევლოს კრება“ უწოდეს, ინიცირებული იყო უმე-ს ყოფილი კლირიკოსის მაქსიმ კრილაჩის მიერ, რომელსაც მსახურება აკრძალული აქვს. ვოლნოს მაცხოვრებელთა გარდა, კრებაზე ხმას აძლევდნენ მეზობელი სოფლების რადიონოვკისა და ლოზოვატკას წარმომადგენლები. უმე-ს მორწმუნეები ღონისძიებაში არ მონაწილეობდნენ, წინადღით კი მათ წერილობით გააფრთხილეს ხელისუფლების ადგილობრივი ორგანოები და პოლიცია დაგეგმილი კრების უკანონობის შესახებ. მანამდე მრევლის კრებაზე სამრევლოს წევრებმა უკრაინის მართლმადიდებელი ეკლესიისადმი ერთგულება დაადასტურეს.
