დეკანოზმა შალვა კეკელიამ საღამოს ლოცვა აღავლინა
დეკანოზი შალვა კეკელია. ფოტო: მცხეთა თბილისის ეპარქია
2025 წლის 3 ოქტომბერს, დიდმოწამისა ევსტათი პლაკიდასისა, მისი ცოლის თეოპისტიასისა და მათი შვილების აღაპისა და ხსენების დღესთან დაკავშირებით, დეკანოზმა შალვა კეკელიამ თბილისის ვაკის მაცხოვრის ფერიცვალების სახელობის ტაძარში საღამოს ლოცვა აღავლინა.
ლოცვის დასრულების შემდეგ დეკანოზმა მრევლს ქადაგებით მიმართა და ოჯახის სიწმინდის მნიშვნელობაზე ისაუბრა:
„შეგეწიოთ დღევანდელი დღის მადლი. დღეს დიდი წმინდანების ხსენების დღეა და შეგეწიოთ ჩვენს ქვეყანას ამ საოცარი ოჯახის მადლი. ევსტათი პლაკადისი იყო ძალიან დიდი წმინდანი, მხედართმთავარი და ჯარების მეთაური. მან მთელი ოჯახი დაკარგა, მაგრამ თავისი მორწმუნეობით ღმერთმა კვლავ შეახვედრა მათ. ეს არის ნიშანი იმისა, თუ როგორი უნდა იყოს ოჯახი — წმინდა, ღმერთზე მინდობილი, სადაც არის ცოლ-ქმრისა და შვილების ურთიერთპატივისცემა. ასეთ ოჯახებზე დგას სახელმწიფოებრიობა,“ — აღნიშნა მამა შალვამ.
დეკანოზის თქმით, ეკლესია მაშინ დგას სულიერ სიმაღლეზე, როდესაც ოჯახები მყარად იცავენ ქრისტიანულ წესს:
„ეშმაკმა კარგად იცის, რომ ოჯახი სიწმინდეა და ამიტომ უმთავრეს დარტყმას სწორედ ოჯახზე აყენებს. როცა ადამიანი სწორ ქრისტიანულ ცხოვრებას ატარებს, მისი დამორჩილება თითქმის შეუძლებელია. მას უკვე უარი აქვს ნათქვამი ვნებებზე და მთელი ცხოვრება საკუთარ თავს ებრძვის.“
ქადაგებაში მამა შალვამ ადამიანის უნიკალურობაზე და ღვთის წინაშე პიროვნული პასუხისმგებლობის მნიშვნელობაზეც ისაუბრა:
„არ არსებობს ერთნაირი თითის ანაბეჭდი, არც თვალის გუგა. ყველა ადამიანი ინდივიდუალურია. ვინც საკუთარ თავს არ უფრთხილდება, სხვასაც ვერასდროს გაუფრთხილდება. ვინც თავის მშობელს არ სცემს პატივს, სხვისასაც ვერ პატივისცემს. ყველაფერი ეს სახარებაშია ნათქვამი.“
დასასრულს, დეკანოზმა შალვა კეკელიამ აღსარების საიდუმლოს მნიშვნელობა ხაზი გაუსვა და აღნიშნა:
„რა ბედნიერები ვართ ჩვენ, მართლმადიდებელი ქრისტიანები, რომ უფალმა მოგვცა აღსარების საიდუმლო. როგორი ცოდვაც არ უნდა ჩაიდინოს ადამიანმა, თუ გულწრფელად მოინანიებს, ღმერთი შეგვინდობს. ღმერთმა დაგლოცოთ და გაგახაროთ.“
მართლმადიდებელ ჟურნალისტთა კავშირი წერდა, მიტროპოლიტი შიო: ჯვრის ძალა და სიყვარულის გზაზე ყოფნა
წაიკითხეთ ასევე
ეპისკოპოსმა ვახტანგმა ილია II-ის საფლავთან პანაშვიდი გადაიხადა
სიონის საპატრიარქო ტაძარში სრულიად საქართველოს კათოლიკოს-პატრიარქის, ილია II-ის ხსოვნას პატივი მიაგეს.
დეკანოზმა შალვა კეკელიამ თანამედროვე სამყაროს გამოწვევებზე ისაუბრა
თბილისის საუსლიერო აკადემიასა და სემინარიაში მამა შალვამ თემაზე „ეკლესიური ცნობიერება და თანამედროვე გამოწვევები“ ისაუბრა.
ჩრდილოეთ ამერიკის ეპარქიაში წმინდა გაბრიელის წმინდა ნაწილები დააბრძანეს
ჩრდილოეთ ამერიკის ქართულ ეპარქიაში ქრისტიანობის სახელმწიფო რელიგიად გამოცხადების 1700 წლისთავთან დაკავშირებული ღონისძიებები გაიმართება.
გრძელდება ცაგერისა და ლენტეხის ეპარქიის დალოცვა
მიტროპოლიტმა სტეფანემ სოფელ ზარაგულაში საღვთო ლიტურგია აღასრულა, ქვედა ლუხვანოში მოსახლეობას შეხვდა, ხოლო ზედა ლუხვანოში მშენებარე ტაძარში პარაკლისი გადაიხადა.
ევროპული ენების დღე წმინდა გაბრიელ მთავარეპისკოპოსის სკოლა-გიმნაზიაში
მე-5 კლასის მოსწავლეებისთვის უცხოური ენების კათედრის წევრებმა საგანმანათლებლო და სახალისო ვიქტორინა გამართეს.
ფერისცვალების სამრევლო სკოლაში დეკანოზ ბორის ნიჩიპეროვიჩს შეხვდებიან
შეხვედრის თემა იქნება „წმინდა გრიგოლ ხანძთელიდან დავით აღმაშენებლამდე“.