პატრიარქმა შიო III-მ სამების საპატრიარქო ტაძარში საკვირაო წირვა აღასრულა
ღვთისმსახურების შემდეგ კათოლიკოს-პატრიარქმა მოყვასისა და მტრის სიყვარულზე იქადაგა და სასულიერო პირებს საიუბილეო სამღვდელო ჯვრები გადასცა.
სულთმოფენობიდან მეოცე კვირას თბილისის ყოვლადწმინდა სამების სახელობის საპატრიარქო ტაძარში საღვთო ლიტურგია აღევლინა.
ღვთისმსახურება უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა შიო III-მ აღასრულა. მას თანამსახურებდნენ ჭიათურისა და საჩხერის მიტროპოლიტი დანიელი (დათუაშვილი) და სხვა სასულიერო პირები.
წირვის დასრულების შემდეგ კათოლიკოს-პატრიარქმა მრევლი დალოცა და ქადაგებით მიმართა. ქადაგების მთავარი თემა მოყვასისა და მტრის სიყვარული იყო.
ქადაგების დასასრულს მისმა უწმინდესობამ სასულიერო პირებს საქართველოში ქრისტიანობის სახელმწიფო რელიგიად გამოცხადების 1700 წლისთავთან დაკავშირებით დამზადებული საიუბილეო სამღვდელო ჯვრები გადასცა.
მართლმადიდებელ ჟურნალისტთა კავშირი წერდა, საქართველოს კათოლიკოს-პატრიარქის სიტყვა საქართველოს გაქრისტიანების 1700 წლისთავზე.
