საქართველოს პატრიარქმა რუსეთიდან ჩამოსული სასულიერო პირები მიიღო

03 ოქტომბერი 13:48

ავტორი: ახალი ამბები

რუსეთიდან ჩამოსული ორი სასულიერო პირი საპატრიარქო რეზიდენციაში. ფოტო: საზუ

შეხვედრას ესწრებოდნენ: აბბა ალავერდელი მიტროპოლიტი დავითი (მახარაძე) და ახალი შუამთის ხახულის ყოვლადწმინდა ღვთისმშობლის ხატის სახელობის დედათა მონასტრის წინამძღვარი, სქემიღუმენია იოანა (ნიკოლაიშვილი).

ამა წლის 2 ოქტომბერს უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა შიო III-მ საპატრიარქო რეზიდენციაში მიიღო რუსეთიდან ჩამოსული ორი სასულიერო პირი: დეკანოზი იოანე კალედა - მოსკოვის წმინდა სამების სახელობის ტაძრის წინამძღვარი, მღვდელი სერგი ბერნაცკი - იახრომოს ოლქის ტაძრების კეთილმოწესე სერგიევო-პოსადის ეპარქიიდან და მათი თანმხლები პირები.

ამ თემაზე საქართველოს კათოლიკოს-პატრიარქმა მსოფლიო საპატრიარქოს დელეგაცია მიიღო

მიტროპოლიტი არსენი (კარდამაკისი) საქართველოში ქორეპისკოპოს მაქსიმესა და დაახლოებით 50 მომლოცველთან ერთად იმყოფება.

01.10.2026, 21:17

შეხვედრამ გულთბილ ვითარებაში ჩაიარა. სტუმრებმა მის უწმინდესობას აღსაყდრება მიულოცეს და მისგან ლოცვა-კურთხევა გამოითხოვეს.

აღსანიშნავია, რომ დეკანოზი იოანე კალედა დიდ პატივს მიაგებს ღირს დავით გარეჯელს. იგი ტაძრის მრევლთან ერთად ყოველწლიურად ჩამოდის საქართველოში, რათა მოილოცონ დავითგარეჯის მონასტერი და ქვეყნის სხვა სიწმინდეები, ასევე გამოცემული აქვთ წიგნი ღირსი დავით გარეჯელის შესახებ.

მართლმადეიდებელ ჟურნალისტთა კავშირი წერდა, საქართველოს კათოლიკოს-პატრიარქი შიო III დელეგაციების შეხვედრაზე მიბრძანდა.

0 0