ჩხოროწყუში ქრისტიანობის 1700 წლის იუბილესადმი მიძღვნილი საჯარო ლექცია გაიმართება
ისტორიის დოქტორი, პროფესორი ლაშა დეისაძე-შარვაშიძე ისაუბრებს საქართველოს 2000-წლიან ქრისტიანულ მემკვიდრეობასა და ქრისტიანობის სახელმწიფო რელიგიად გამოცხადების ისტორიულ მნიშვნელობაზე.
უწმიდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტ შიოს III-ის ლოცვა-კურთხევით, ჩხოროწყუს წმინდა კეთილმსახური მეფე დავით აღმაშენებლის სახელობის საკათედრო ტაძრის მღვდელმსახურთა ინიციატივითა და ორგანიზებით, 2026 წლის 19 ივლისს ჩხოროწყუში საჯარო ლექცია გაიმართება.
ღონისძიება ტარდება ჩხოროწყუს საკათედრო ტაძრის პროექტის – „ქრისტიანობა სახელმწიფო რელიგიად საქართველოში – 1700 წელი“ (საეკლესიო-სამეცნიერო საგანმანათლებლო პროექტი ქ. ჩხოროწყუში) – ფარგლებში და ეძღვნება საქართველოში ქრისტიანობის სახელმწიფო რელიგიად გამოცხადების 1700 წლის იუბილეს.
ლექციას წაიკითხავს ქუთაისის აკაკი წერეთლის სახელმწიფო უნივერსიტეტის ისტორია-არქეოლოგიის დეპარტამენტის წევრი, ისტორიის დოქტორი, პროფესორი ლაშა დეისაძე-შარვაშიძე. მისი მოხსენების თემაა: ,,2000-წლოვანი ქრისტიანული მემკვიდრეობა და 1700 წელი ქრისტიანობის სახელმწიფო რელიგიად გამოცხადებიდან საქართველოში“.
ლექცია ჩხოროწყუს ისტორიული მუზეუმის სააქტო დარბაზში გაიმართება და 13:00 საათზე დაიწყება.
ღონისძიებაზე დასწრება თავისუფალია.
მართლმადიდებელ ჟურნალისტთა კავშირი წერდა, ზუგდიდისა და ცაიშის ეპარქიაში ვლაქერნობის მოსამზადებელი სამუშაოები დაიწყო.
