ვლაქერნობის დღეს პატრიარქი შიო III ზუგდიდში სადღესასწაულო ღვთისმსახურებას აღასრულებს
15 ივლისს, ყოვლადწმინდა ღვთისმშობლის კვართის ვლაქერნის ტაძარში დაბრძანების დღესასწაულზე, წირვა ზუგდიდის ივერიის ღვთისმშობლის ხატის სახელობის საკათედრო ტაძარში 10:00 საათზე დაიწყება.
15 ივლისს საქართველოს მართლმადიდებელი სამოციქულო ეკლესია ყოვლადწმინდა ღვთისმშობლის კვართის ვლაქერნის ტაძარში დაბრძანების დღესასწაულს – ვლაქერნობას აღნიშნავს.
დღესასწაულთან დაკავშირებით, უწმინდესი და უნეტარესი, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი შიო III ზუგდიდს ეწვევა და სადღესასწაულო ღვთისმსახურებას აღასრულებს ზუგდიდის ივერიის ყოვლადწმინდა ღვთისმშობლის ხატის სახელობის საკათედრო ტაძარში.
სწორედ ამ ტაძარში იქნება დაბრძანებული ყოვლადწმინდა ღვთისმშობლის კვართი, რომლის პატივსაცემადაც ეკლესია ვლაქერნობის დღესასწაულს აღნიშნავს.
სადღესასწაულო ღვთისმსახურება 10:00 საათზე დაიწყება.
მართლმადიდებელ ჟურნალისტთა კავშირი წერდა, ზუგდიდისა და ცაიშის ეპარქიაში ვლაქერნობის მოსამზადებელი სამუშაოები დაიწყო.
