მონპელიეში ქართველი ემიგრანტების დაკვეთით დაწერილი მამა გაბრიელის ხატი იკურთხა
მამა გაბრიელის ხატის კურთხევა მონპელიეში. ფოტო: წმ.თამარ მეფის ტაძარი საფრანგეთში
საფრანგეთის ქალაქ მონპელიეში ქართველმა ემიგრანტებმა საქართველოში დაწერილი წმინდა ღირსი მამა გაბრიელის აღმსარებლის ხატი მიაბრძანეს. ხატი 10 აგვისტოს საზეიმოდ იკურთხა, რის შემდეგაც წმინდა მამა გაბრიელისადმი სავედრებელი პარაკლისი აღევლინა.
ხატის შექმნა ქართველი ემიგრანტების სურვილითა და ინიციატივით განხორციელდა. მათთვის ეს განსაკუთრებული სულიერი მნიშვნელობის მქონე დღე იყო — საქართველოში დაწერილი ხატი მონპელიეში მცხოვრები ქართველებისთვის მშობლიურ ქვეყანასთან, მართლმადიდებლურ სარწმუნოებასთან და წმინდა მამა გაბრიელის სულიერ მემკვიდრეობასთან კავშირის კიდევ ერთი სიმბოლო გახდა.
ხატის კურთხევის შემდეგ შეკრებილმა მრევლმა წმინდა მამა გაბრიელის წინაშე ილოცა და მის მეოხებას შეავედრა საკუთარი ოჯახები, სამშობლო და უცხოეთში მცხოვრები ქართველები.
წმინდა ღირსი მამა გაბრიელი (ურგებაძე) ქართველ მორწმუნეთა შორის განსაკუთრებული სიყვარულითა და პატივისცემით სარგებლობს. მისი ცხოვრება, თავმდაბლობა, მოყვასის სიყვარული და ქრისტესადმი ერთგულება მრავალი ადამიანისთვის სულიერი მაგალითია.
მონპელიეში მცხოვრები ქართველებისთვის წმინდა მამა გაბრიელის ხატის არსებობა კიდევ ერთი შესაძლებლობაა, რომ უცხო ქვეყანაში ყოფნის მიუხედავად, შეინარჩუნონ ქართული სულიერი და ეროვნული თვითმყოფადობა და ერთად ილოცონ საქართველოსა და ქართველი ერისთვის.
მართლმადიდებელ ჟურნალისტთა კავშირი წერდა, სოფელ ყვიბისში წმინდა დიდმოწამე პანტელეიმონის სახელობის ტაძარი აშენდება.
წაიკითხეთ ასევე
„თბილისობა 2026“-ის ფარგლებში გუდიაშვილის მოედანზე ღონისძიება გაიმართა
სრულიად საქართველოს კათოლიკოს-პატრიარქ შიო III-ის ლოცვა-კურთხევითა და მოძრაობა „დავითიანნის“ ორგანიზებით, ღონისძიებაში საქართველოს საპატრიარქოს სამრევლო სკოლები და თვითშემოქმედი ანსამბლები მონაწილეობდნენ.
საქართველოდან ამერიკაში სიწმინდეებს ჩააბრძანებენ
9 ოქტომბერს საქართველოს საპატრიარქოს დელეგაცია ამერიკის შეერთებულ შტატებში ყოვლადწმიდა ღვთისმშობლის წილხვდომილობის ხატსა და წმინდა გაბრიელ აღმსარებლისა და სალოსის ხატს ჩააბრძანებს.
საპატრიარქოს ახალგაზრდულ სახლში „ღირებულებითი განათლების“ კლუბი ჩამოყალიბდა
კლუბს იღუმენი ლუკა (ფალავანდიშვილი) და მღვდელი ნიკოლოზ როინიშვილი უხელმძღვანელებენ.
გურჯაანისა და ველისციხის ეპარქიის 10 სკოლაში „ღირებულებითი განათლების“ კლუბი ფუნქციონირებს
სოფელ გურჯაანის საჯარო სკოლაში კლუბის მორიგი შეხვედრა გაიმართა, რომლის მთავარი თემა „ადამიანის მისია“ იყო.
მიტროპოლიტმა ილარიონმა საპატიო სიგელით დააჯილდოვა საერო პირები
მესტიისა და ზემო სვანეთის მიტროპოლიტმა ილარიონმა საქართველოს მართლმადიდებელი ეკლესიის წინაშე გაწეული განსაკუთრებული ღვაწლისთვის რამდენიმე საერო პირი საპატიო სიგელით დააჯილდოვა.
მიტროპოლიტმა იობმა ბერმუხის მამათა მონასტერში საღმრთო ლიტურგია აღავლინა
4 ოქტომბერს, ბერმუხის წმინდა იოსებ კათალიკოსის სახელობის მამათა მონასტერში, მროველ-ურბნელმა მიტროპოლიტმა იობმა (აქიაშვილი) საღმრთო ლიტურგია აღასრულა.