დუმენკო ლონდონში მეუ-ს მიმართ დისკრიმინაციაზე ჩიოდა

2022 წლის 5 ივლისს, ბრიტანეთის მთავრობის მიერ ორგანიზებულ რელიგიური თავისუფლების კონფერენციაზე, „მიტროპოლიტმა“ ეპიფანემ წამოაყენა პრეტენზია კრემლის წინააღმდეგ ოკუპირებულ უკრაინაში მეუ-ს მიმართ დისკრიმინაციის გამო. გამოსვლის ტექსტი გამოქვეყნებულია მეუ-ს ვებსაიტზე.

ლონდონში გამართულ საერთაშორისო კონფერენციაზე შეიკრიბნენ სამინისტროების წარმომადგენლები, პარლამენტარები, რელიგიური ლიდერები და სოციალური აქტივისტები, რათა გაეზიარებინათ გამოცდილება სხვადასხვა ქვეყანაში რელიგიური თავისუფლების უზრუნველსაყოფად.

„უკრაინის დროებით ოკუპირებული ტერიტორიების მაგალითზე ჩვენ კარგად ვიცით ყალბი „ღირებულებები“, რომელსაც კრემლი ატარებს. ჩვენი ეკლესიის თემები, ისევე როგორც ყველა რელიგიური ორგანიზაციების თემები ოკუპირებულ ყირიმში, უკრაინის აღმოსავლეთ და სამხრეთ ოკუპირებულ ნაწილებSi, მუდმივი ზეწოლის ქვეშ არიან“, - განაცხადა დუმენკომ.

მეუ-ს ხელმძღვანელის გამოსვლაში აქცენტი გაკეთდა რუსეთში რელიგიის თავისუფლებასთან დაკავშირებულ სიტუაციაზე. დუმენკომ კონფერენციის მონაწილეებს მოუწოდა, „აკონტროლონ და გაასაჯაროონ თავისუფლების წინააღმდეგ დანაშაულის კონკრეტული ფაქტები“ მეზობელ ქვეყანაში.

„როგორც საბჭოთა კავშირში რელიგიის კომუნისტური დევნის დროს, ახლა კი პუტინის რუსეთში, საერთაშორისო საზოგადოების უკომპრომისო ყურადღება რელიგიური თავისუფლებისადმი ძალიან მნიშვნელოვანია“, - თქვა მან.

როგორც მჟკ იტყობინება, კნიაჟპოლში, მეუ-ს წევრები, ხელისუფლების დახმარებით, ცდილობდნენ უმე-ის ტაძრის ხელში ჩაგდებას.

წაიკითხეთ ასევე