პაპმა კვლავ ისაუბრა ფანართან „სრული ზიარების აღდგენაზე“

2022 წლის 30 ივნისს, ფანარის დელეგაციასთან შეხვედრაზე, რომის პაპმა ფრანცისკემ განაცხადა, რომ კონსტანტინოპოლის საპატრიარქო და ვატიკანი ჩართულნი არიან „ძმურ და ნაყოფიერ დიალოგში და მტკიცედ და შეუქცევად არიან მოწოდებულნი სრული ზიარების აღდგენის გზაზე“. ინფორმაციას vaticannews.va ავრცელებს.

რომის პაპმა აღნიშნა, რომ ფანარის დელეგაციის ყოფნა წმინდა პეტრეს ტაძარში წირვაზე იმის ნიშანია, რომ ეკლესიებს შორის დისტანცირებისა და გულგრილობის დრო დასრულდა.

ვატიკანს მიაჩნია, რომ ქრისტიანული ერთიანობის ძიება აუცილებელი პირობაა ჭეშმარიტი საყოველთაო ძმობის განსახორციელებლად, რომელიც გამოიხატება სამართლიანობითა და ყველას მიმართ სოლიდარობით.

შეხვედრის დასასრულს პონტიფმა იმედი გამოთქვა, რომ „თეოლოგიური დიალოგი“ რომის კათოლიკურ ეკლესიასა და ფანარს შორის განვითარდება.

მანამდე მჟკ წერდა რომის სურვილზე აღედგინა სრული ზიარება კონსტანტინოპოლის ეკლესიასთან.

წაიკითხეთ ასევე