პოტურაევი: უმე-ში არიან ისინი, ვინც სახელმწიფოსთან კონფრონტაციაზე წასვლას მოუწოდებს

სახალხო დეპუტატი ნიკიტა პოტურაევი. ფოტო: Укринформ

უმაღლესი რადის ჰუმანიტარული და საინფორმაციო პოლიტიკის საკითხების კომიტეტის თავმჯდომარემ ნიკიტა პოტურაევმა გამოთქვა აზრი, რომ  კანონის „რელიგიური ორგანიზაციების მოღვაწეობის სფეროში კონსტიტუციური წყობის დაცვის შესახებ“ რეალიზების დროს შესაძლოა პროვოკაციების მოწყობა. ეს კანონი მიმართულია იმ ორგანიზაციათა მოღვაწეობის შეზღუდვაზე, რომლებიც რფ-სთან არიან დაკავშირებულები, იუწყება Интерфакс.

„დღეს მე, ჩემი კოლეგების მსგავსად, ვიღებ შემაშფოთებელ ცნობებს იმის შესახებ, რომ იქ ჯერ-ჯერობით იმარჯვებს და ვიმედოვნებ, რომ მაინც არ გაიმარჯვებს უმე-ს წიაღში ისეთი რადიკალური ჯგუფი, რომელიც სამღვდელოებას მოუწოდებს წავიდეს კონფრონტაციაზე საზოგადოებასთან და უკრაინის სახელმწიფოსთან, ჩადგეს „დევნილი ეკლესიის“, „მიწისქვეშა ეკლესიის“  პოზიციაში“, - განაცხადა პოტურაევმა ნაციონალური ტელემარათონის ეთერში.

კომიტეტის თავმჯდომარე  აფრთხილებს  რადიკალური ჯგუფების მხრიდან შესაძლო პროვოკაციების შესახებ, რომლებიც მიმართულია კონფლიქტების გაჩაღებაზე ტაძრების გარშემო: „ტელევიზიის დასანახად, ფოტოებისთვის, რომელთა გაზიარება შესაძლებელია, კერძოდ, დასავლეთში, სადაც ისინი აქტიურად ცრუობენ იმის შესახებ, რომ მათ ვიღაც ავიწროვებს“, - დაამატა მან.

პოტურაევმა აგრეთვე გამოთქვა იმედი, რომ გაიმარჯვებს უკრაინის მართლმადიდებელი ეკლესიის პროუკრაინულად განწყობილი სამღვდელოება, რაც ეკლესიას საშუალებას მისცემს საბოლოოდ გაწყვიტოს კავშირები რმე-სთან.

როგორც მჟკ იუწყებოდა, ძალაში შევიდა კანონი, რომელიც  უმე-ს მოღვაწეობას კრძალავს.  

წაიკითხეთ ასევე