რაზუმკოვთან შეხვედრის მერე ფანარიონის მეთაური რადადან შიდა კარით გაიყვანეს

ფანარიონის მეთაური და დიმიტრი რაზუმკოვი რადის შიდა კარებთან. ფოტო: rada.gov.ua

2021 წლის 21 აგვისტოს კონსტანტინოპოლის პატრიარქი ბართლომე შეხვდა უკრაინის უმაღლესი რადას სპიკერს დმიტრი რაზუმკოვს, რის შემდეგაც მან ურ-ს შენობა შიდა კარით დატოვა, გვატყობინებს ურ-ს საიტი.

რაზუმკოვმა შეხვედრის დროს აღნიშნა, რომ უკრაინა „აგრძელებს ბრძოლას ჩვენი ქვეყნის დროებით ოკუპირებული ტერიტორიების დასაბრუნებლად“, ხოლო „რელიგია წარმოადგენს ერთ-ერთ ბაზისს, რომლის ირგვლივაც შეიძლება ადამიანების გაერთიანება“.

„ჩვენ ყოველთვის ვცნობდით გაერთიანების, შეხების საერთო წერტილების პოვნის პოლიტიკას და არ ვიღებთ განხეთქილების პოლიტიკას. ვიმედოვნებ, რომ თქვენი ვიზიტი გაააქტიურებს ამ პროცესს“, - აღნიშნა უმაღლესი რადას სპიკერმა.

შეხვედრის შემდეგ, პატრიარქმა ბართლომემ დატოვა უმაღლესი რადა იმავე გზით, რომლითაც შევიდა იქ - შიდა კარიდან, მაშინ როცა პარლამენტის შენობის ცენტრალურ შესასვლელთან მას უმე-ს მორწმუნეები ელოდნენ.

ფოტოებზე, რომელიც გამოქვეყნდა უმაღლესი რადას საიტზე ჩანს, რომ ფანარიონის მეთაური და დმიტრი რაზუმკოვი ემშვიდობებიან ერთმანეთს ურ-ს შიდა ეზოში კარის წინ, რომელსაც აწერია შესასვლელთან ციფრი „VI“.

კარის ზღურბლთან, სავარაუდოდ, სწორედ ამ შემთხვევის გამო იყო წითელი ხალიჩა დაგებული, ხოლო შესასვლელთან პატრიარქ ბართლომესა და ურ-ს სპიკერის შეხვედრის ორგანიზატორებმა განათავსეს უკრაინის ეროვნული დროშა.

ადრე მჟკ წერდა, რომ ფანარიონის მეთაური უმაღლეს რადაში დამხმარე კარიდან შეიყვანეს.

წაიკითხეთ ასევე