ვიმედოვნებთ ჩვენს მიერ არჩეული დეპუტატები ჩვენს ხმას გაიგებენ,-უმე მღვდელი

დეკანოზი იოანე ანტალი უკრაინის მართლმადიდებელი ეკლესიის მორწმუნეთა ლოცვით დგომაზე უმაღლეს რადასთან 2021 წლის 15 ივნისს. ფოტო: скриншот видео Youtube-канала «Перший Козацький».

ბორისპოლის ეპარქიის ზგუროვსკის დეკანოზმა  იოანე ანტალმა  თავისი მონაწილეობა უკრაინის მართლმადიდებელი ეკლესიის მორწმუნეთა ლოცვით დგომაში 2021 წლის 15 ივნისს ახსნა იმით, რომ ანტიეკლესიური კანონები არღვევენ რწმენისა  და სინდისის თავისუფლების უფლებას. ვალერია ვედენევას  Youtube-არხის «Перший Козацький» რეპორტაჟში უკრაინის მართლმადიდებელი ეკლესიის მღვდელმა იმედი  გამოთქვა, რომ უმაღლესი რადის დეპუტატები გაიგებენ მორწმუნეთა ლოცვით მოთხოვნებს.

„ნეტავ ყოვლადმოწყალე უფალმა აკურთხოს დღევანდელი ლოცვითი დგომა, ჩვენი  ხმა გაიგონ და გააუქმონ ანტიეკლესიური კანონები, რომ ყველას ჰქონდეს რწმენისა და სინდისის თავისუფლების უფლება. ღვთის იმედით, ჩვენი არჩეული დეპუტატები ჩვენს ხმას გაიგებენ და ჩვენი  ლოცვითი მოთხოვნები შესმენილი და შესრულებული იქნება“, - თქვა მამა იოანემ.

მღვდელმა, რომელიც ორი ტაძრის წინამძღვარია კიევის ოლქის ზგუროვსკის რაიონში, აღნიშნა, რომ უკრაინის მართლმადიდებელი ეკლესიის მორწმუნეები უკრაინის მოქალაქეები არიან და ყველასთან თანაბარი უფლებები აქვთ. „ვითხოვთ, რომ გაიგონ ჩვენი ხმა, ჩვენ უკრაინის მოქალაქეები ვართ, ჩვენი შვილები, შვილიშვილები აქ ცხოვრობენ და სწავლობენ, ჩვენ სხვა ხალხთან თანაბარი უფლებები გვაქვს“, - დაასკვნა მამა იოანემ.

როგორც მართლმადიდებელ ჟურნალისტთა კავშირი იუწყებოდა, უკრაინის მართლმადიდებელი ეკლესიის მიმართ ჩვენ ვითხოვთ კონსტიტუციის აღსრულებას, თქვა ვასილკოვსკის არქიეპისკოპოსმა ნიკოლოზმა (პოჩტოვი) უმაღლესი რადის კედლებთან ლოცვითი დგომის დროს.

წაიკითხეთ ასევე