ოდესის ეპარქია 2 მარტის საჰაერო თავდასხმის შედეგად დაზარალებულებს დახმარებას გაუწევს

დანგრეული სახლი ოდესაში 2024 წლის 2 მარტს ღამის საჰაერო თავდასხმის შემდეგ. ფოტო: epaimages.com

უმე-ის ოდესის ეპარქია გაუწევს ყველა საჭირო დახმარებას და მიიღებს მონასტერში 2024 წლის 2 მარტს ოდესის საცხოვრებელ კორპუსზე რუსული საჰაერო ძალების დარტყმის შედეგად დაზარალებულებს. ამის შესახებ იტყობინება ეპარქიის პრესსამსახურის ფეისბუქ-გვერდი.

დახმარების გაწევასთან დაკავშირებული ყველა კითხვისთვის უნდა დაუკავშირდეთ ეპარქიის ცხელ ხაზზე: +380936150820

ეპარქიამ ასევე აღნიშნა, რომ მათი სასულიერო პირები აგრძელებენ ლოცვას კასპეროვსკაიას ღვთისმშობლის ხატისადმი და მფარველობას სთხოვენ მას.

2 მარტის ღამეს ოდესაში მრავალსართულიანი შენობა ნაწილობრივ დაინგრა რუსული ,,შაჰედის’’ დარტყმის შემდეგ. სამაშველო ოპერაცია რამდენიმე დღე გაგრძელდა, რის შედეგადაც ცნობილი გახდა, რომ დაიღუპა 12 ადამიანი, მათგან 5 ბავშვი. უმცროსი ბავშვი 4 თვის იყო.

როგორც მჟკ იტყობინება, რუსეთის შემოჭრის წლისთავზე, უმე-ის წინამძღვარმა ილოცა უკრაინის შეიარაღებული ძალებისა და ყველა უკრაინელისთვის.

წაიკითხეთ ასევე