პატრიარქმა კირილმა მოუწოდა რუსებს მოინათლონ რუსეთის უძლეველობისთვის

პატრიარქი კირილი. ფოტო: сайт Московской патриархии

2024 წლის 4 თებერვალს რუსეთის მართლმადიდებლური ეკლესიის პატრიარქმა კირილმა ქრისტეს მაცხოვრის საკათედრო ტაძარში ქადაგებისას მოუწოდა რუსებს სულიერი მობილიზებისა და მონათლვისკენ, რათა რუსეთი გახდეს უძლეველი, იუწყება მოსკოვის საპატრიარქოს პრესსამსახური.

მან გააფრთხილა, რომ რუსეთის ფედერაცია "შევიდა საგანგაშო ზონაში", სადაც "ბევრმა აიღო იარაღი ჩვენს წინააღმდეგ". პატრიარქმა კირილმა თქვა, რომ რუსეთის მტრები ყოველთვის აგებდნენ, რადგან, მისი აზრით, რუსებში, თუნდაც მათში, ვინც თავს ეკლესიის  წევრად არ თვლიან, "მართლმადიდებლობის სული ცხოვრობს".

პატრიარქის თქმით, დადგა არა მხოლოდ სამხედრო, არამედ სულიერი მობილიზაციის დრო. ამისთვის კი, ვინც ყოყმანობს, უნდა მოინათლოს.

„ვინც ჯერ არ მონათლულხართ, წადით და მოინათლეთ! ვინც მოინათლა, მოინახულეთ ღვთის ტაძრები, გამდიდრდით ჩვენი ხალხის დიდი ათასწლოვანი სიბრძნით, რომლის წყარო ყოველთვის იყო არა ადამიანური, არამედ თვით ღვთიური სიბრძნე. მაშინ ჩვენი ქვეყანა აუცილებლად იქნება დაუმარცხებელი“, - განაცხადა რუსეთის მართლმადიდებლური ეკლესიის მეთაურმა.

მჟკ ადრე წერდა, რომ დუმის დეპუტატის თქმით, რუსეთის მართლმადიდებლური ეკლესია სახელმწიფოს ერთ-ერთი ყველაზე ეფექტური ინსტიტუტია.

წაიკითხეთ ასევე