მიტ. ლონგინი: ჩემი საქმე პრეზიდენტი ზელენსკის კონტროლის ქვეშაა

მიტროპოლიტი ლონგინი სასამართლოს შენობასთან. ფოტო: spzh.news

მიტროპოლიტმა ლონგინმა განაცხადა, რომ მის წინააღმდეგ აღძრული სისხლის სამართლის საქმე „რელიგიათშორისი სიძულვილის წაქეზების“ მუხლით არის უკრაინის პრეზიდენტის ვლადიმერ ზელენსკის კონტროლქვეშ. ამის შესახებ მან მორწმუნეებს მიმართა, რომლებიც ეპისკოპოსს სასამართლო სხდომის დასრულების შემდეგ ელოდნენ, იუწყება მჟკ-ს კორესპონდენტი.

„დღეს სასამართლო პროცესი კორუმპირებულია. უკვე 2 წელია ვლაპარაკობთ, ვცდილობთ ხმა მივაწვდინოთ ჩვენი კონსტიტუციის გარანტს, მაგრამ პრეზიდენტი არ გვისმენს, მას ჩვენი გატეხვა სურს. ჩერნივცის რეგიონის გუბერნატორმა თქვა: ,,ცოტა დამშვიდდით, რადგან ყველაფერი პრეზიდენტის კონტროლის ქვეშაა, მის მაგიდაზე". მათ უნდათ დაასრულონ ჩვენი მართლმადიდებლური სარწმუნოება, ჩვენი ეკლესია“, - განაცხადა მან.

მიტროპოლიტმა ლონგინმა ასევე მოუწოდა მსოფლიო საზოგადოებას გავლენა მოახდინოს უკრაინის მთავრობაზე, რომელიც, მისი თქმით, ქრისტიანთა დევნის საკითხებში ყველა ზღვარს გასცდა.

„ჩვენ ვთხოვთ მთელ მსოფლიოს, მიმართეთ მათ, რომ საკმარისია უკრაინელი ხალხის შევიწროება. ჩვენ პატივით და სიამაყით ვემსახურებით ამ სახელმწიფოს. არ გრცხვენიათ, ძვირფასო ლიდერებო? სად არის დაცული ჩვენი ქვეყნის კონსტიტუცია? სად არის ადამიანის უფლებები დაცული? სად არის რელიგიის თავისუფლება? ჩვენ აღარ დავუშვებთ ჩვენი მღვდლების და ჩვენი ხალხის დაცინვას“, - დასძინა ეპისკოპოსმა.

როგორც მჟკ იტყობინება, ასობით ადამიანი გამოვიდა ბუქარესტში მიტროპოლიტ ლონგინის მხარდასაჭერ აქციაზე.

წაიკითხეთ ასევე