,,ცხვირმოუხოცავი’’: მეუ-ში გადასვლის უარყოფის გამო განაწყენებული მღვდელი დაროვკაში

ანდრეი სეხმა თქვა, რომ დაროვკაში უმე-ის მრევლი "ვერ მოესწრება" კაცების დაბრუნებას ფრონტიდან. ფოტო: Фейсбук Владимир-Волынской епархии

2023 წლის 13 ნოემბერს მეუ-ს მღვდელმა ანდრეი სეხმა რამდენიმე აქტივისტთან ერთად სცადა ვოლინის სოფელ დაროვკაში მდებარე წმინდა ნიკოლოზის სახელობის სამლოცველოს კონტროლის ქვეშ აყვანა, იუწყება ვლადიმირ-ვოლინის ეპარქიის ფეისბუქ გვერდი.

ეპარქია წერს, რომ ერთი წლის წინ სეხმა ხელისუფლების მხარდაჭერით დაროვკაში მდებარე უმე-ის წმინდა მიქაელის სახელობის ეკლესია მიითვისა. თემმა ააგო წმინდა ნიკოლოზის სამლოცველო, ახლა "მღვდელმა" მისი მითვისებაც გადაწყვიტა. მაგრამ ამჯერად კოვზი ნაცარში ჩაუვარდა. გამოქვეყნებულ კადრებში ჩანს, რომ ანდრეი სეხი იქცეოდა უკიდურესად ამპარტავნულად, უხეშად და ცინიკურად. მორწმუნეებს ეუბნებოდა, რომ აქ ისინი არაფერს წარმოადგენდნენ.

მან მორწმუნეებს მიანიშნა, რომ სამლოცველოს საბუთები, სავარაუდოდ, არაკანონიერია, რაზეც უპასუხეს, რომ ფრონტიდან ბიჭები მოვიდოდნენ და ყველაფერს გადაწყვეტდნენ.

”ვერ მოესწრებით”, - ცინიკურად უპასუხა მათ მეუ-ს მღვდელმა. ამან ხალხი ისე გააღიზიანა, რომ „სირცხილი!“ შეძახილი დაიწყეს.

წარუმატებლობის გამო იმედგაცრუებულმა სეხმა თქვა, რომ მას უპატივცემულოდ მოექცნენ, ეკლესიის ერთ-ერთ მრევლს "ცხვირმოუხოცავი" უწოდა და მკლავი გაჰკრა.

„პირი დაუღია და ყვირის“, – შესჩივლა მან პოლიციელს.

მჟკ წერდა, რომ ბუკოვინაში, სოკირიანში, უმე-ის მორწმუნეები იცავდნენ თავიანთ ტაძარს თავდამსხმელებისგან.

წაიკითხეთ ასევე