სასამართლომ მიტროპოლიტ ფეოდოსის შინაპატიმრობა ორი თვით გაუხანგრძლივა

უმე-ს ჩერკასის ეპარქიის მმართველი, მიტროპოლიტი ფეოდოსი. ფოტო: vycherpno.ck.ua

2023 წლის 2 ნოემბერს ჩერკასიის სოსნოვსკის რაიონულმა სასამართლომ ჩერკასისა და კანევსკის მიტროპოლიტ ფეოდოსს შინაპატიმრობა ელექტრონული სამაჯურის ტარებით კიდევ ორი ​​თვით გაუხანგრძლივა, იუწყება vycherpno.ck.ua.

სასამართლო პროცესის დროს პროკურატურა ცდილობდა ეპისკოპოსისთვის შინაპატიმრობის წესის დარღვევისთვის გამამტყუნებელი ბრალდების წაყენებას.

„24 ოქტომბერს მიტროპოლიტი იმყოფებოდა საზოგადოებრივ ადგილებში, კერძოდ, ერთ-ერთ ეკლესიასთან“, - განაცხადა პროკურატურის წარმომადგენელმა. „მაშინ არ ყოფილა საჰაერო თავდასხმის განგაში, ანუ მას იქ ყოფნის მიზეზი არ ჰქონდა’’.

ეპისკოპოსის ადვოკატებმა განმარტეს, რომ იმ დღეს, სასამართლო სხდომაში მონაწილეობის შემდეგ, მიტროპოლიტი ფეოდოსი, სახლში დაბრუნებამდე, გაესაუბრა თავის დამცველებს და ამან გამოიწვია ერთ-ერთი მედიის წარმომადგენლის ინტერესი.

„ეს არ არის კანონდარღვევა. ჩემს კლიენტს აქვს ადვოკატთან კომუნიკაციის უფლება“, - აღნიშნა ეპისკოპოსის ადვოკატმა ვლადიმერ იუდინმა. „თუმცა, გარკვეული პირი ადვოკატის საქმიანობაში ჩაერია, დარბოდა და იღებდა“.

მიტროპოლიტის ადვოკატმა აღკვეთის ღონისძიების შინაპატიმრობიდან პირადი ვალდებულებით შეცვლაზე შუამდგომლობა შეიტანა, თუმცა მოსამართლემ არ დააკმაყოფილა.

სასამართლომ დააკმაყოფილა ადვოკატების მოთხოვნა, რომ ეპისკოპოსს მიეცა შესაძლებლობა, შეხვედროდა დამცველებს სასამართლო განხილვის შემდეგ საქმეზე კონსულტაციებისთვის, რომელიც გაიმართება ქალაქის ერთ-ერთი ეკლესიის ტერიტორიაზე.

საქმის შემდეგი სხდომა 13 ნოემბერს დაინიშნა.

როგორც მჟკ წერდა, მიტროპოლიტ ფეოდოსს ბრალად ედება რელიგიური სიძულვილის გაღვივება და რუსეთის ფედერაციის აგრესიის გამართლება. 2023 წლის 12 აპრილიდან ის შინაპატიმრობაში იმყოფება.

9 ოქტომბერს კიევ-სვიატოშინსკის რაიონულმა სასამართლომ პროკურატურის მოთხოვნაზე, ეპისკოპოსი საპატიმროში გადაეყვანათ, უარი თქვა.

იმავე დღეს გაეროს ადამიანის უფლებათა საბჭოს წევრებმა ჟენევაში გამართულ შეხვედრაზე მოისმინეს მიტროპოლიტ ფეოდოსის მიმართვის ვიდეოჩანაწერი, სადაც ისაუბრა უკრაინის მართლმადიდებლური ეკლესიის მორწმუნეების დევნაზე. ეპისკოპოსმა გაეროს უფლებადამცველის სტატუსი მიიღო.

წაიკითხეთ ასევე