მორფუს მიტროპოლიტი ნეოფიტე: წმინდანს ესმის ქრისტეს ხმა, ჯადოქარს - ეშმაკის

მიტროპოლიტი ნეოფიტე. ფოტო: СПЖ

კვიპროსის მართლმადიდებლური ეკლესიის მორფუს მიტროპოლიტმა ნეოფიტემ თავისი მოსაზრება გააზიარა, თუ რატომ ნადგურდება უმე-ის ეკლესიები ახლა უკრაინაში.

მჟკ-თან ინტერვიუში მეუფემ, ეკლესიების ფიზიკური განადგურების შესახებ შეკითხვაზე პასუხის გაცემისას, თქვა, რომ „ეშმაკი შეშფოთებულია საღმრთო ლიტურგიით, მარხვით და ლოცვით“.

„ყველაზე მეტად, რა თქმა უნდა, საღმრთო ლიტურგია. ზუსტად მართლმადიდებლური ლიტურგია, რადგან სწორედ ის ატარებს სულიწმიდის მადლს. სხვა აღმსარებლობის „ლიტურგიებზე“ სულიწმიდა არ არის“, - აღნიშნა ეპისკოპოსმა.

მისი აზრით, „ზელენსკის უკან სხვა ძალები იმალებიან, ამ სხვა ძალების უკან კი ეშმაკი დგას, რომელიც მათ თავის ნებას კარნახობს“.

„როგორც რომელიმე წმინდანს ესმის გულში ქრისტეს ხმა, სულიწმიდის ხმა, გრძნობს მადლს, ისევე როგორც ნებისმიერ ჯადოქარს ან სატანისტს ჩაესმის ეშმაკის ხმა, ცდუნების ხმა. ეს ხმა ბატონობს მასზე, რადგან მან თავად მისცა ეშმაკს ამის უფლება“, - თვლის მიტროპოლიტი ნეოფიტე.

მეუფე დარწმუნებულია, რომ მხოლოდ "სადაც მართლმადიდებლური საღმრთო ლიტურგია სრულდება, იქ არის თავისუფლება: სიკვდილისგან, ცოდვისგან და დემონებისგან".

მანამდე მჟკ-მ გამოაქვეყნა მორფუს მიტროპოლიტ ნეოფიტთან ინტერვიუს ბერძნული ვერსია.

წაიკითხეთ ასევე