მსს-ის დელეგაციამ პატრიარქ კირილთან უკრაინაში არსებული ვითარება განიხილა

პატრიარქი კირილისა და მსს-ს გენერალური მდივანის შეხვედრა მოსკოვში. ფოტო: сайт Московской патриархии

მოსკოვის დანილოვის მონასტერში პატრიარქი კირილი 17 მაისს შეხვდა ეკლესიათა მსოფლიო საბჭოს დელეგაციას, იუწყება მოსკოვის საპატრიარქოს რესურსი.

რმე-ს წინამძღვრის აზრით ფანარი ჩართულია უმე-ის გარშემო არსებულ ვითარებაში.

„უნდა აღვნიშნო, რომ ჩვენ განსაკუთრებით გვაწუხებს ამ კონფლიქტში კონსტანტინოპოლის საპატრიარქოს მონაწილეობა - უკრაინაში საეკლესიო კრიზისის განვითარებაში სწორედ მისი მონაწილეობა გვირთულებს მონაწილეობას კომისიებში, კომიტეტებში, რომლებსაც ხელმძღვანელობს კონსტანტინოპოლის ესა თუ ის წარმომადგენელი“, - განაცხადა მან.

მსს-ის გენერალურმა მდივანმა ჯერი პილეიმ განაცხადა, რომ „ჩვენ ახლახან ვესტუმრეთ უკრაინას და დავინახეთ შედეგები, რაც ხდება, განსაკუთრებით ზოგიერთ თემში. ჩვენ ვნახეთ როგორ ისპობა ადამიანთა სიცოცხლე, ნადგურდება ქონება და გვჯერა, რომ ეკლესიათა მსოფლიო საბჭომ ყველაფერი უნდა გააკეთოს კონფლიქტის  მშვიდობიანი მოგვარების ხელშეწყობისთვის“.

უკრაინაში სიტუაციის მშვიდობიანი მოგვარების ინიციატივებზე მსჯელობისას ჯერი პილეიმ თქვა: „ახლა გვესმის, რომ ჩვენს განცხადებებსა და ქმედებებს შეიძლება ჰქონდეს გარკვეული შედეგები, განსაკუთრებით უკრაინის პრეზიდენტის მხრიდან“.

მანამდე მჟკ წერდა, რომ ეკლესიათა მსოფლიო საბჭოს წარმომადგენლები ლავრასთან სალოცავად მივიდნენ.

წაიკითხეთ ასევე