კიევის საბჭომ უმე-ს ეკლესიების გარეთ ღონისძიებების გამართვა აუკრძალა

კიევის საქალაქო საბჭოს სხდომა. ფოტო: kmr.gov.ua

2023 წლის 2 მარტს კიევის საბჭოს დეპუტატებმა მიიღეს რამდენიმე გადაწყვეტილება უკრაინის მართლმადიდებლური ეკლესიის საქმიანობასთან დაკავშირებით. ამის შესახებ ინფორმაციას დედაქალაქის საკრებულოს პრესსამსახური ავრცელებს.

კერძოდ, 65-მა დეპუტატმა დაგმო უმე-ის საქმიანობა, დაადანაშაულა ეკლესია არაერთ სახელმწიფო დანაშაულში.

ასევე, უმე-ს აეკრძალა ნებისმიერი ღონისძიების ჩატარება ტაძრების გარეთ, ხოლო სპეციალიზებულ განყოფილებებს დაევალა შეემოწმებინათ რელიგიური ორგანიზაციების მიერ გამოყენებული კომუნალური საკუთრება და მიწის ნაკვეთები.

„უმე მს-ს საქმიანობა ქმნის წინაპირობებს სხვა რელიგიებისა და აღმსარებლობის მიმართ მტრობისა და შეუწყნარებლობისთვის, ხელს უწყობს ცრუ ინფორმაციის გავრცელებას, პროპაგანდას უწევს „რუსული სამყაროს“ იდეას და არ სცნობს რუსეთის ფედერაციის სამხედროების აგრესიას უკრაინის წინააღმდეგ “, - განაცხადა ფრაქცია „ხმის“ დეპუტატმა ვადიმ ვასილჩუკმა.

მისივე თქმით, კიევის საბჭომ უკვე გაუგზავნა მიმართვა უკრაინის პარლამენტს და მთავრობას, სადაც მოუწოდებენ "დაუყოვნებლივ" აიკრძალოს უმე-ის საქმიანობა.

როგორც მჟკ იტყობინება, უკრაინის პრეზიდენტის წარმომადგენელმა უმაღლეს რადაში განაცხადა, რომ უახლოეს მომავალში პარლამენტი კენჭს უყრის კანონს უმე-ის აკრძალვის შესახებ.

წაიკითხეთ ასევე