მისი უნეტარესი რუსეთის ხელისუფლებას: შეწყვიტეთ ჩვენი ხალხის დახოცვა!

უმე-ს წინამძღვარი უნეტარესი მიტროპოლიტი ონუფრი. ფოტო: news.church.ua

მისმა უნეტარესმა მიტროპოლიტმა ონუფრიმ 2023 წლის 15 იანვარს საკვირაო ქადაგებისას მიუსამძიმრა ოჯახებს, რომელთა ახლობლები დაიღუპნენ და დაშავდნენ ქალაქ დნიპროში 14 იანვარს დაბომბვის შედეგად. ამის შესახებ უმე-ის საინფორმაციო-საგანმანათლებლო დეპარტამენტი იტყობინება.

წინამძღვარმა ასევე მიმართა რუსეთის ფედერაციის ხელმძღვანელობას.

„ქრისტეს გულისთვის შეწყვიტეთ სროლა. ღმერთმა მოგვცა სიცოცხლე, არ არის საჭირო მისი წართმევა, რადგან ის, ვინც სხვას სიცოცხლეს წაართმევს, ღვთისგანაც იმავე საზღაურს მიიღებს - სიცოცხლეს დაკარგავს. ერთი წვეთი სისხლისთვისაც კი მოგიწევთ ღმერთის წინაშე პასუხის გაცემა. ამიტომ, ქრისტეს გულისთვის, შეწყვიტეთ სროლა, შეწყვიტეთ ხალხის კვლა! უფალმა შეგვქმნა არა იმისთვის, რომ მოვკლათ ერთმანეთი, არამედ მშვიდობიანად ვიცხოვროთ. ჩვენ ერთი მამის შვილები ვართ და ღმერთს უნდა, რომ ხელი გავუწოდოთ ერთმანეთს, დავეხმაროთ ერთმანეთს, რომ არ დავბომბოთ, არამედ მხარი დავუჭიროთ ერთმანეთს. ვფიქრობ, ჩვენს ნათქვამს შეისმენენ, ამას ვლოცულობ და ღმერთს ვთხოვ“, - განაცხადა უნეტარესმა.

უნეტარესმა გაამხნევა სამწყსო და შეახსენა მათ, რომ ღვთის ძალა იცავს უკრაინას.

„მტერი ვერ დაგვაჩოქებს, ჩვენ ვიცოცხლებთ და ვადიდებთ ღმერთს, ვისიამოვნებთ მშვიდობითა და სიხარულით“, - დასძინა უმე-ს წინამძღვარმა.

შეგახსენებთ, რომ ნათლისღების წინა კვირას მისმა უნეტარესმა ლიტურგია ჩერნივცის საკათედრო ტაძარში აღავლინა.

წაიკითხეთ ასევე