ჰამბურგის უკრაინელმა ფანარიოტებმა ლუთერანებთან საერთო „ლიტურგია“ ჩაატარეს

მართმადიდებლურ-ლუთერანული ,,ლიტურგია'' ჰამბურგში. ფოტო: Facebook Florina Chudnovska

2022 წლის 25 დეკემბერს ჰამბურგში, ლუთერანულ, წმინდა ანდრიას სახელობის საკათედრო ტაძარში, გაიმართა ერთობლივი „ლიტურგია“ „უკრაინის მართლმადიდებელი ეკლესიის დიასპორის“ წარმომადგენლებსა და ლუთერანებს შორის. ამის შესახებ Facebook-ის გვერდზე „Feine Ukraine – Verein der deutsch-ukrainischen Zusammenarbeit“ იუწყება.

„დღეს უნიკალური ისტორიული საშობაო წირვა ჩატარდა. ერთობლივი ლიტურგია, რომელშიც გაიმართა ორი ევქარისტია, მართლმადიდებლური და პროტესტანტული“, - ნათქვამია განცხადებაში.

უკრაინელი ფანარიოტების მხრივ „ლიტურგიაში“ მონაწილეობა მიიღო ჰამბურგში წმინდა ნიკოლოზ მირაელის სახელობის თემის წინამძღვარმა იაროსლავ ბოგოდისტმა, ხოლო ლუთერანების მხრიდან წინამზრვარმა კორდ შულერმა.

„ლიტურგიის“ ფოტოზე ჩანს, რომ ბოგოდისტი და შოილერი ლიტურგიკულ სამოსში ერთად დგანან საკურთხევლის წინ, რომელზედაც მოსჩანს ღია სალიტურგიო ჭურჭელი.

„უკრაინის მართლმადიდებლური ეკლესიის წმინდა ნიკოლოზის სახელობის დიასპორის “ ერთ-ერთმა მრეველმა ფლორინა ჩუდნოვსკაიამ თავის ფეისბუქ გვერდზე დაწერა, რომ ეს არის „პირველი მართლმადიდებლური შობა ევროპაში ქრისტიანებთან ერთად, საზღვარგარეთ უკრაინის მართლმადიდებელი ეკლესის ნაბიჯი მომავლისკენ “.

„ოდესღაც ისტორიკოსები შეაფასებენ დღევანდელი დღის მნიშვნელობას. ლიტურგია უკრაინულად და ფსალმუნები გერმანულად გალობის თანხლებით - ჩვენი ახალი ევროპული შობაა, ორი ქრისტიანული სამყაროს ერთიანობა და ურთიერთ გამდიდრება“, - თვლის ჩუდნოვსკაია.

უმე(კს)-ის ყოფილი საზოგადოება, რომელსაც ახლა უწოდებენ "უკრაინის მართლმადიდებლურ ეკლესიას წმინდა ნიკოლოზის სახელობის დიასპორაში", ამჟამად ექვემდებარება კონსტანტინოპოლის საპატრიარქოს, კონკრეტულად პამფილიის მიტროპოლიტ დანიილს (ზელინსკი).

ადრე მჟკ წერდა, რომ მეუ-ს ტერნოპოლის ეპარქიაში "არქიეპისკოპოსი" კათოლიკე მღვდელმა აკურთხა.

წაიკითხეთ ასევე