მიტროპოლიტმა იოანემ სამხედრო ნაწილში სამშვიდობო პარაკლისი აღასრულა

სამშვიდობო პარაკლისი. ფოტო: ეპარქიის გვერდი

2025 წლის 21 ოქტომბერს, ქუთაისში, მე-3 ქვეით ბრიგადაში მდებარე წმინდა მოწამე გობრონის სახელობის ტაძარში, ქუთათელ-გაენათელმა მიტროპოლიტმა იოანემ სამშვიდობო პარაკლისი აღასრულა.
ღონისძიება ტაძრის კურთხევის 15 წლის იუბილეს მიეძღვნა.ღვთისმსახურებას ესწრებოდნენ მღვდელმსახურები, სამხედრო მოსამსახურეები და მრევლი.მეუფე იოანემ სიტყვით მიმართა დამსწრეებს და აღნიშნა:

„სახელითა მამისათა, ძისა და სულისა წმინდისათა, გილოცავთ ამ ღირშესანიშნავ თარიღს — ამ ტაძრის კურთხევის 15 წლის იუბილეს.
სამხედრო განწესების, საერო და სამღვდელო დასის ერთობის წესი დასაბამიდან არის.
უდიდესი პასუხისმგებლობა აკისროათ ჩვენს ჯარისკაცებს — დაიცვან სამშობლო, ჩვენი ოჯახები და ერი.
 ასევე ზეციური ძალები და სასულიერო დასი დამცველად დგას ჩვენი ქვეყნისა.
 ჩვენ კარგად ვიცით ჩვენი ქვეყნის ისტორიიდან შეწევნა ლოცვითა და ზეციური ძალების დაცვითა.
 განსაკუთრებული სიყვარულით და პატივისცემით კითხულობდნენ ჩვენი მემრები ღვთისმშობლისადმი სავედრებელ ლოცვას: „მოწყალებისა კარ განგვიღე, კურთხეულო ღვთისმშობელო...“
 უდიდესი სამსახურია სამხედრო სამსახური. თქვენს გვერდით არის დასი სულიერი მოძღვრების, რომლებიც ასევე იბრძვიან ლოცვით ქვეყნის კეთილდღეობისთვის, წარმატებისა და მშვიდობისათვის.
 ფიზიკური და სულიერი ძალის ერთობა არის საწინდარი ჩვენი გამარჯვებისა.
 მადლობა ღმერთს, რომ ჩვენ დღეს ამ დღესასწაულზე შევიკრიბეთ — 15 წელი ამ ტაძრის კურთხევიდან, და მთელი ეს დრო მამა გობრონი ქადაგებს, მოძღვრავს და აზიარებს მრევლს, რათა უფალმა და დედა ღვთისამ დაგვიცვას ჩვენ.
 ღმერთმა დაგლოცოთ და გაგახაროთ."

ტაძარი მე-3 ქვეით ბრიგადის ტერიტორიაზე 2009 წელს იკურთხა და მას შემდეგ სამხედროებისა და მათი ოჯახების სულიერ ცენტრად იქცა.

მართლმადიდებელ ჟურნალისტთა კავშირი წერდა, ეპარქიებში განახლდა გაცნობითი და საბაზო გადამზადების შეხვედრები.

წაიკითხეთ ასევე