საკვირაო ღვთისმსახურება ბაგრატის საკათედრო ტაძარში

ქუთათელ-გაენათელი მიტროპოლიტი იოანე. ფოტო: ღია წყარო

28 სექტემბერს, ღირსი მამის აბბა იოსებ ალავერდელის ხსენების დღეს, ქუთათელ-გაენათელმა მიტროპოლიტმა იოანემ საღვთო ლიტურგია აღასრულა ქუთაისის ყოვლადწმიდა ღვთისმშობლის მიძინების-სიონის (ბაგრატი) საკათედრო ტაძარში.

ლიტურგიის შემდგომ, მიტროპოლიტმა სულიერი ცხოვრების მნიშვნელობაზე იქადაგა და მორწმუნეებს ქრისტიანული ცხოვრების გზაზე დაფიქრებისკენ მოუწოდა:

„სახელითა მამისათა და ძისა და წმინდისა სულისა. გილოცავთ კიდევ ერთხელ დღევანდელი წირვა-ლოცვის მადლს... მეფე ვახტან გორგასალმა დაგვიტოვა სიტყვები: ‚ეძიებდეთ სიკვდილსა ქრისტესთვის‘. თუ ჩვენ არ ვიცით სახარება, თუ ჩვენ არ ვიცით მოციქულთა სიტყვა, მაშინ ჩვენ ვერ გავიგებთ ამ ანდერძს...“

მისივე თქმით, ქრისტიანის ცხოვრების არსი საკუთარ სულთან ბრძოლაში მდგომარეობს:

„რას ნიშნავს დაღუპო სული? ... თუ ქრისტესათვის დაიღუპავ სულს, ნიშნავს რომ ამ სოფელს კი არ გაყვება, არამედ ქრისტეს სიტყვას გაყვება და ქრისტეს გულით სოფელს იპირისპირებს... ეს არის საიდუმლო სულიერი ცხოვრებისა.“

მიტროპოლიტმა ქადაგება დასრულა მოწოდებით, რომ ყოველი ქრისტიანი საკუთარ ცხოვრებაში უნდა ამოწმებდეს რწმენის სიმტკიცეს და ერთგულებას ქრისტეს სიტყვის მიმართ.

მართლმადიდებელ ჟურნალისტთა კავშირი წერდა, გელათის აკადემიაში დავით აღმაშენებლისადმი მიძღვნილი ფილმის ჩვენება გაიმართა. 

წაიკითხეთ ასევე