30 აპრილი წმინდა მოწამე ადრიანეს ხსენების დღეა
წმინდა მოწამე ადრიანე ქრისტეს აღსარებისათვის დააპატიმრეს იმპერატორ დეციუსის დროს.
ერთ წარმართულ დღესასწაულზე უღმრთოებმა ყველა ქრისტიანი გამოიყვანეს საპატიმროებიდან იმ პირობით, რომ მსხვერპლს შესწირავდნენ კერპებს. წმინდა მოწამესაც აიძულებდნენ სამსხვერპლოსთან მისულიყო და იქ ხელისგულზე ძალად დადებული შესაწირავი დაეყარა და ამით თითქოსდა კერპებს მსხვერპლს შესწირავდა. წმინდანი მხნედ, თამამად მივიდა სამსხვეპლოსთან, დაანგრია იგი, ზედ დადებული მსხვერპლი ცეცხლთან ერთად მიმოფანტა.
ამ საქციელით მან მმართველი და იქ მყოფი წარმართები ისე განარისხა, რომ წმინდანი შეიპყრეს და უმოწყალოდ სცემეს. ზოგი ჯოხით სცემდა, ზოგიც რკინის წკეპლით, სხვებმა კი ქვებით კბილები ჩაუმსხვრიეს. ბოლოს კი დიდი ღუმელი გაახურეს და წმინდანი შიგ ჩააგდეს.
წმინდა ადრიანე ხორცით ღუმელში დაიწვა, ხოლო სულით კი წარდგა უფლის წინაშე. ბასილის თვენის მიხედვით წმინდა მოწამე ადრიანე ლეონიდესა და ირინესთან ერთად ეწამა, რომელთა ხსენებაც 16 აპრილსაა.
მართლმადიდებელ ჟურნალისტთა კავშირი წერდა, 2026 წლის 28 აპრილს, საქართველოს საპატრიარქოში წმინდა სინოდის სხდომა იმართება.
