ილია II-ის აღსაყდრებიდან 48 წელი შესრულდა – საზეიმო წირვა სამების საკათედრო ტაძარში
იუბილესთან დაკავშირებით წირვაში მონაწილეობა მიიღო მარგვეთისა და უბისის ეპისკოპოსმა მელქისედეკმა წმინდა სინოდის წევრ სხვა მღვდელმთავრებთან ერთად.
2025 წლის 25 დეკემბერს, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის ილია II-ის ინტრონიზაციიდან (აღსაყდრებიდან) 48 წელი შესრულდა.
აღნიშნულ თარიღთან დაკავშირებით, ყოვლადწმინდა სამების საპატრიარქო ტაძარში საზეიმო საღმრთო ლიტურგია აღესრულა, რომელშიც მონაწილეობა მიიღო მისმა ყოვლადუსამღვდელოესობამ, მარგვეთისა და უბისის ეპისკოპოსმა მელქისედეკმა (ხაჩიძე), წმინდა სინოდის წევრ სხვა მღვდელმთავრებთან ერთად.
იუბილესთან დაკავშირებით, მარგვეთისა და უბისის ეპისკოპოსი მელქისედეკი (ხაჩიძე), ეპარქიის სამღვდელოებისა და მრევლის სახელით, ულოცავს მის უწმინდესობას აღსაყდრებიდან 48-ე წლისთავს და უსურვებს ჯანმრთელობას, სულიერ სიმტკიცესა და მრავალჟამიერ მსახურებას საქართველოს მართლმადიდებელი ეკლესიის საჭეთმპყრობლად.
მართლმადიდებელ ჟურნალისტთა კავშირი წერდა, სასულიერო პირებს „ღირებულებითი განათლებისა“ და სწავლა-სწავლების თანამედროვე მეთოდების სერტიფიკატები გადაეცათ.
