ეპისკოპოსი გიორგი: „აზარტული თამაშები ადამიანის დამანგრეველი სენია“

ეპისკოპოსი გიორგი ჯამდელიანი. ფოტო: ეპარქიის გვერდი

მარნეულისა და ჰუჯაბის ეპისკოპოსი გიორგი აზარტულ თამაშებთან დაკავშირებულ საფრთხეებს გამოეხმაურა. მღვდელმთავრის განცხადებით, აზარტულ თამაშებზე დამოკიდებულება ადამიანებს სულიერად და მენტალურად ანადგურებს, ოჯახებს ანგრევს და საზოგადოებას მძიმე მდგომარეობაში აყენებს.

„აზარტული თამაშები ბევრისთვის იმედის ნაცვლად სასოწარკვეთილების, ვალებისა და ტრაგედიის წყაროდ იქცევა“, — აღნიშნა ეპისკოპოსმა გიორგიმ.

მღვდელმთავარმა შეშფოთება გამოთქვა, რომ ქვეყანაში აღნიშნული სფეროს გაფართოებამ და ხელშეწყობამ შესაძლოა არსებული პრობლემები კიდევ უფრო გაამწვავოს. მისი თქმით, სახელმწიფოსა და ეკლესიის მოვალეობა ადამიანის დაცვაა და არა ისეთი დამოკიდებულებების ხელშეწყობა, რომლებიც დამღუპველ შედეგებს იწვევს.

„ჩვენ გვჭირდება არა აზარტულ თამაშებზე დამოკიდებული საზოგადოება, არამედ ჯანმრთელი ოჯახები, დაცული ახალგაზრდობა და ადამიანის ღირსების პატივისცემა. ეს არის არა მხოლოდ სოციალური, არამედ ჩვენი სულიერი და ზნეობრივი პასუხისმგებლობაც“, — განაცხადა ეპისკოპოსმა გიორგიმ.

მღვდელმთავარმა განცხადება სახარებისეული სიტყვებით დაასრულა: „რაი სარგებელ ეყოს კაცსა, უკუეთუ სოფელი ყოველი შეიძინოს და სული თჳსი იზღვიოს“ (მათე 16:26).

მართლმადიდებელ ჟურნალისტთა კავშირმა დაწერა, ეპისკოპოსი გიორგი ხელისუფლებას მიმართავს: „ნუ ჩაერევით საპატრიარქო არჩევნებში“.

წაიკითხეთ ასევე