ჭიათურაში საქართველოს გაქრისტიანების 1700 წლისთავს კვირეული მიეძღვნა
ჭიათურისა და საჩხერის ეპარქიაში საზეიმო კვირეული გაიმართა. ფოტო: ეპარქიის გვერდი
საქართველოში ქრისტიანობის სახელმწიფო რელიგიად გამოცხადებიდან 1700 წლისთავისადმი მიძღვნილი ღონისძიებების ფარგლებში, ჭიათურისა და საჩხერის ეპარქიაში საზეიმო კვირეული გაიმართა.
კვირეულის განმავლობაში მოწვეულმა თეოლოგებმა, აკაკი მინდიაშვილმა და გიორგი გვასალიამ, ორივე მუნიციპალიტეტის ცენტრებსა და სოფლებში ლექცია-სემინარები ჩაატარეს. გაიმართა მერაბ კოკოჩაშვილის მხატვრული ფილმის „ტერცო მონდო“ ჩვენებაც, რომელიც აკა მორჩილაძის სცენარის მიხედვითაა გადაღებული.
კვირეულის დასკვნითი დღე, 25 ოქტომბერი, ჭიათურის წმინდა ანდრია პირველწოდებულის სახელობის საკათედრო ტაძარში საღმრთო ლიტურგიით დაიწყო. მოგვიანებით, ჭიათურის კულტურის ცენტრში მაია ტყემალაძის ორგანიზებით გამოფენა გაიმართა, ხოლო წმინდა ანდრია პირველწოდებულის სახელობის მართლმადიდებლურმა სკოლამ ღონისძიება წარმოადგინა.
საზეიმო პროგრამა საჩხერის მუნიციპალიტეტის სოფელ სხვიტორში, აკაკი წერეთლის სახლ-მუზეუმის ეზოში გაგრძელდა. მაყურებლის წინაშე სასკოლო და კულტურულ-შემოქმედებითი გაერთიანებების გუნდები და ქორეოგრაფიული ანსამბლი წარდგნენ. სხვიტორის შემდეგ მონაწილეებმა სოფელ ივანწმინდაში გადაინაცვლეს, სადაც ცენტრალური გზის მიმდებარედ ნერგები დარგეს.
დღე სოფელ ჭორვილაში, „შატო იმერეთში“, შემოქმედებითი საღამოთი დასრულდა. მასში მონაწილეობდნენ ჭიათურისა და საჩხერის შემოქმედებითი გუნდები, ინდივიდუალური შემსრულებლები და სახელმწიფო ქორეოგრაფიული ანსამბლი „ჩანგი“.
ღონისძიებებს ესწრებოდნენ ორივე მუნიციპალიტეტის ხელმძღვანელი პირები, საქართველოს პარლამენტში რეგიონის დელეგატი და სხვადასხვა სფეროს წარმომადგენლები. მოწვეულ სტუმრებს შორის იყვნენ აკადემიკოსი ავთანდილ არაბული, საზოგადოება „ივერიისას“ თავმჯდომარის მოადგილე გურამ ახალია, ფილოლოგი და თეოლოგი აკაკი მინდიაშვილი, მწერალი და ფილოლოგი მაკა ჯოხაძე, გამომცემელი შორენა შავერდაშვილი, რეჟისორი და სცენარისტი თამარ მახარაძე, ტელეკომპანია „რუსთავი 2“-ის მენეჯერი ნატალია ბოჭორიშვილი, დიპლომატი კახა ჩიტაია და ხატმწერი დათი კაკაბაძე.
საზეიმო კვირეული ჭიათურისა და საჩხერის მუნიციპალიტეტების მხარდაჭერით გაიმართა.
მართლმადიდებელ ჟურნალისტთა კავშირი წერდა, რაჭა-ლეჩხუმში სამდღიანი მოლოცვა 200-მდე ადამიანმა 1700 წლის იუბილეს მიუძღვნა.
წაიკითხეთ ასევე
ეპისკოპოსმა საბამ კანადაში საქართველოს საელჩოში პარაკლისი აღავლინა
საქართველოში ქრისტიანობის სახელმწიფო რელიგიად გამოცხადების 1700 წლის იუბილეს ფარგლებში, წმინდა გაბრიელ ბერის წმინდა ნაწილებით შემკული ხატი კანადის სხვადასხვა ქალაქში მოაბრძანეს.
სენ-ბრიოში, წმინდა ნიკოლოზის სახელობის სამრევლოში, საღვთო ლიტურგია აღევლინა
დასავლეთ ევროპის მიტროპოლიტ აბრაამის კურთხევით, საკვირაო ღვთისმსახურებას დეკანოზი სპირიდონ გრიგოლაშვილი უძღვებოდა.
ბერძენი მამა პეტრე ჰირსი: „ეკუმენიზმი - ბოლო ჟამის ცდუნება“
მამა პეტრე ჰირსმა მართლმადიდებელი ჟურნალისტების კავშირის ბერძნული გამოცემის კითხვებს უპასუხა.
უწმინდესისა და უნეტარესის შიო III-ის ქადაგება სულთმოფენობიდან ოცდამეერთე კვირას
,,ყოველი ჩვენგანი ცხოვრებაში – სამსახურში, ოჯახში თუ ცხოვრებისეულ გარემოებებში – ვხვდებით სირთულეებს, მწუხარებას და ძალიან განვიცდით ამის გამო, მაგრამ უფალი გვასწავლის, რომ ნუ სტირი და ნუ მწუხარებ.''- შიო III
იგეგმება მეტეხის ღვთისმშობლის ტაძრის სრული რეაბილიტაცია
პროექტი ეროვნული მნიშვნელობის ძეგლის კონსტრუქციულ გამაგრებას, ნესტით გამოწვეული დაზიანებების აღმოფხვრასა და კომპლექსის სამრეკლოსა და გალავნის რეაბილიტაციას მოიცავს.
თბილისის სასულიერო აკადემიასა და სემინარიას მოსწავლეები ეწვივნენ
სტუმრები ქრისტიანული ხელოვნებათმცოდნეობის ფაკულტეტის საქმიანობას გაეცნენ და ხატწერისა და ნაქარგობის სახელოსნოები დაათვალიერეს.