წმინდა გაბრიელ მთავარეპისკოპოსის სამრევლოში ევროპული ენების დღე აღინიშნა
წმ. გაბრიელ ეპისკოპოსის სახელობის მართლმადიდებლური სკოლა - გიმნაზია
ევროპული ენების დღესთან დაკავშირებით, წმინდა გაბრიელ მთავარეპისკოპოსის სამრევლოში გერმანული ენის მასწავლებელმა ლელა ციბაძემ მეხუთე კლასის მოსწავლეებისთვის შემეცნებითი შეხვედრა ჩაატარა. აქტივობა სასკოლო პროექტს — „მრავალფეროვნება გვაერთიანებს“ — ეხმიანებოდა.
შეხვედრის ფარგლებში მოსწავლეები გაეცნენ ევროპული ენების დღის მნიშვნელობას და ისაუბრეს უცხოური ენების შესწავლისა და სხვადასხვა კულტურის წარმომადგენლებს შორის ურთიერთგაგების როლზე. მრავალფეროვანი ინტერაქტიული აქტივობების საშუალებით მათ საკუთარი ცოდნისა და უნარების წარმოჩენის შესაძლებლობა მიეცათ.
ღონისძიება მიზნად ისახავდა უცხოური ენებისადმი ინტერესის გაღვივებას, მოსწავლეთა საკომუნიკაციო და თანამშრომლობითი უნარების განვითარებასა და ენობრივი და კულტურული მრავალფეროვნების დაფასებას.
აქტივობას ხარისხის მართვის მენეჯერი ფ. ცერცვაძე ესწრებოდა. მან დადებითად შეაფასა მოსწავლეთა ჩართულობა და წარმატებები უსურვა როგორც მოსწავლეებს, ისე პედაგოგს.
ევროპული ენების დღე ყოველწლიურად 26 სექტემბერს აღინიშნება და ენების შესწავლის ხელშეწყობასა და კულტურათაშორისი ურთიერთგაგების გაღრმავებას ემსახურება.
მართლმადიდებელ ჟურნალისტთა კავშირი წერდა, რუმინეთში წმინდა გაბრიელ აღმსარებლის სახელობის ახალი ტაძარი შენდება.
წაიკითხეთ ასევე
7 ოქტომბერს ეკლესია წმინდა პირველმოწამე, მოციქულთასწორ თეკლას მოიხსენიებს
წმინდა თეკლამ პავლე მოციქულის ქადაგებით ქრისტე ირწმუნა, მრავალი განსაცდელი დაითმინა და სიცოცხლე ღვთის სიტყვის გავრცელებას მიუძღვნა.
ბათუმის სასულიერო სემინარიაში მედავითნეობის შემსწავლელი კურსი გაიხსნება
სწავლება 14 ოქტომბერს დაიწყება — ლექციები კვირაში ორჯერ, ოთხშაბათსა და პარასკევს, 19:00 საათზე ჩატარდება.
11 ოქტომბერს „პალიასტომის“ ღვთისმშობლის ხატს ბაგრატის ტაძარში მიაბრძანებენ
ქუთათელ-გაენათელი მიტროპოლიტი იოანე საღმრთო ლიტურგიასა და სამშვიდობო პარაკლისს აღასრულებს.
ობუჯში ლეო ქიაჩელის შემოქმედებისადმი მიძღვნილი საღამო გაიმართა
პროექტ „გმირის დღის“ ფარგლებში გამართულ ღონისძიებას ზუგდიდისა და ცაიშის ეპარქიის წარმომადგენელი, დეკანოზი ბასილ კაცია დაესწრო.
აშშ-ის მართლმადიდებელ ეპისკოპოსთა ასამბლეის მე-15 შეკრება დასრულდა
მღვდელთმთავრებმა ამერიკული ჟესტური ენის ლექსიკონი დაამტკიცეს და ერთიანი კატეხიზმოს შემუშავებაზე მუშაობა განაგრძეს.
წმინდა გაბრიელ მთავარეპისკოპოსის სამრევლოში ევროპული ენების დღე აღინიშნა
სასკოლო პროექტის „მრავალფეროვნება გვაერთიანებს“ ფარგლებში, მეხუთე კლასის მოსწავლეებისთვის შემეცნებითი შეხვედრა გაიმართა.