საერთაშორისო ჯგუფი თურქეთში 1100 წლის ქართული ეკლესიის გადარჩენას ცდილობს

ნუკა საკდარის ეკლესია. ფოტო: basilica.ro

ესპანელი არქიტექტორისა და პროექტის კოორდინატორის, ტასილო დე ლა ტორე შონბორნის პრესრელიზის თქმით, ნუკა საკდარის ეკლესია ართვინის პროვინციაში მდებარეობს და ყოფილი სამონასტრო კომპლექსის შემორჩენილ უკანასკნელ ნაწილს წარმოადგენს. ინფორმაციას ავრცელებს გვერდი basilica.ro

ეკლესია ხეობის ფერდობზე, ვიწრო ბაქანზეა განლაგებული — ისეთ ადგილას, სადაც ტრანსპორტით მისვლა შეუძლებელია; ნაგებობის ქვის სახურავის ნაწილი ჩამონგრეულია. ნიკოლოზ მარმა შენობა 1904 წელს გადაიღო, თუმცა ეკლესიის სრული არქიტექტურული დოკუმენტაცია ჯერ არ შექმნილა.

7-დან 20 ოქტომბრამდე საფრანგეთიდან, იტალიიდან, ესპანეთიდან, თურქეთიდან და არგენტინიდან ჩამოსული სპეციალისტები სარემონტო სამუშაოებისთვის მოსამზადებლად შეადგენენ გეგმებს, ჭრილებსა და ფასადებს, ასევე — ტერიტორიის გეგმას.

გუნდი მომზადებულ დოკუმენტაციას ერზურუმში კულტურული მემკვიდრეობის საკითხებზე პასუხისმგებელ ორგანოს წარუდგენს. მიზანია, რომ შესაბამისი უწყებების მიერ დამტკიცების შემთხვევაში, სტაბილიზაციის სამუშაოები 2027 წელს დაიწყოს და ისინი თურქმა რესტავრატორ-არქიტექტორებმა და სპეციალისტებმა განახორციელონ.

ინიციატივის ფარგლებში გრძელდება დაფინანსების, აღჭურვილობისა და შესაბამისი კომპეტენციის მოძიება ექსპედიციისა და პროექტის შემდგომი ეტაპებისთვის. ასევე მოსალოდნელია კვლევის შედეგების წარდგენა არქიტექტურის, კონსერვაციისა და კულტურის სფეროზე სპეციალიზებულ გამოცემებში.

მართლმადიდებელ ჟურნალისტთა კავშირი წერდა, თურქი ისტორიკოსი: აია-სოფიას მეჩეთად გადაკეთება კონსტანტინოპოლის ახალი დაპყრობაა.

წაიკითხეთ ასევე