რუსთაველის გამზირზე შუა საუკუნეების არქეოლოგიური მასალა აღმოაჩინეს
რუსთაველის გამზირზე მიმდინარე სარეაბილიტაციო სამუშაოები. ფოტო: კულტურის სამინისტრო
კულტურის მინისტრის მოვალეობის შემსრულებელი მიხეილ კიკნაძე, საქართველოს პარლამენტის თავმჯდომარე შალვა პაპუაშვილი, თბილისის მერი კახა კალაძე და საქართველოს ეროვნული მუზეუმის გენერალური დირექტორი დავით ლორთქიფანიძე რუსთაველის გამზირზე მიმდინარე სარეაბილიტაციო სამუშაოების ფარგლებში გამოვლენილ არქეოლოგიურ მასალას ადგილზე გაეცნენ.
მიხეილ კიკნაძის განცხადებით, რუსთაველის გამზირზე აღმოჩენილი არქეოლოგიური ფენებისა და არტეფაქტების კვლევის პროცესში კულტურის სამინისტროს შესაბამისი უწყებები არიან ჩართული. კულტურული მემკვიდრეობის დაცვის ეროვნული სააგენტო აღნიშნულ საკითხზე თბილისის მუნიციპალიტეტის მერიასთან თანამშრომლობს.
„აღნიშნულ ტერიტორიაზე გამოვლენილი არქეოლოგიური მასალა საქართველოს ეროვნულ მუზეუმში იქნება გადატანილი, სადაც მისი მეცნიერული კვლევა გაგრძელდება, შემდგომში კი, ამ ექსპონატებს ეროვნული მუზეუმის საგამოფენო სივრცეებში ვიხილავთ“, – განაცხადა მიხეილ კიკნაძემ.
საქართველოს ეროვნული მუზეუმისა და მოსწავლე-ახალგაზრდობის ეროვნული სასახლის მიმდებარე ტერიტორიაზე არქეოლოგიურ სამუშაოებს ეროვნული მუზეუმის არქეოლოგი მერაბ ძნელაძე ხელმძღვანელობს. გათხრებში საქართველოს ტექნიკური უნივერსიტეტის სტუდენტებიც მონაწილეობენ.
წინასწარი მონაცემებით, აღმოჩენილი არქეოლოგიური მასალა ძირითადად X–XII საუკუნეებით თარიღდება. სპეციალისტების შეფასებით, მასალები მნიშვნელოვან ინფორმაციას იძლევა შუა საუკუნეების თბილისის ისტორიისა და ქალაქის განვითარების შესახებ.
რუსთაველის გამზირზე სარეაბილიტაციო სამუშაოების მიმდინარეობისას არქეოლოგიური ფენის გამოვლენისთანავე, შესაბამის მონაკვეთზე სამშენებლო სამუშაოები შეჩერდა. საქართველოს კულტურული მემკვიდრეობის დაცვის ეროვნულმა სააგენტომ არქეოლოგიური სამუშაოების ჩატარების ნებართვა გასცა, რის შემდეგაც ტერიტორიაზე შესაბამისი კვლევა და არქეოლოგიური გათხრები დაიწყო.
აღმოჩენილი მასალის მეცნიერული შესწავლის დასრულების შემდეგ, არტეფაქტების ეროვნული მუზეუმის საგამოფენო სივრცეებში წარმოდგენაა დაგეგმილი.
მართლმადიდებელ ჟურნალისტთა კავშირი წერდა, ეროვნული ბანკი საკოლექციო მონეტებს გამოუშვებს.
წაიკითხეთ ასევე
უწმინდესისა და უნეტარესის შიო III-ის ქადაგება სულთმოფენობიდან ოცდამეერთე კვირას
,,ყოველი ჩვენგანი ცხოვრებაში – სამსახურში, ოჯახში თუ ცხოვრებისეულ გარემოებებში – ვხვდებით სირთულეებს, მწუხარებას და ძალიან განვიცდით ამის გამო, მაგრამ უფალი გვასწავლის, რომ ნუ სტირი და ნუ მწუხარებ.''- შიო III
იგეგმება მეტეხის ღვთისმშობლის ტაძრის სრული რეაბილიტაცია
პროექტი ეროვნული მნიშვნელობის ძეგლის კონსტრუქციულ გამაგრებას, ნესტით გამოწვეული დაზიანებების აღმოფხვრასა და კომპლექსის სამრეკლოსა და გალავნის რეაბილიტაციას მოიცავს.
თბილისის სასულიერო აკადემიასა და სემინარიას მოსწავლეები ეწვივნენ
სტუმრები ქრისტიანული ხელოვნებათმცოდნეობის ფაკულტეტის საქმიანობას გაეცნენ და ხატწერისა და ნაქარგობის სახელოსნოები დაათვალიერეს.
საპატრიარქომ მიტროპოლიტ თეოდორეს მღვდელმთავრობის 30 წლისთავი მიულოცა
საიუბილეო მილოცვაში მღვდელმთავარს ღვთის შემწეობა, ჯანმრთელობა და ეკლესიისა და ერის საკეთილდღეოდ მრავალჟამიერი სიცოცხლე უსურვეს.
გურჯაანისა და ველისციხის ეპარქიაში სასკოლო შეხვედრები გაგრძელდა
„ღირებულებითი განათლების“ კლუბების ფარგლებში ბაკურციხისა და ვეჯინის საჯარო სკოლებში სასულიერო პირებმა მოსწავლეებთან თემატური შეხვედრები გამართეს.
აფხაზეთის №1 საჯარო სკოლაში საგანმანათლებლო-კულტურული ღონისძიება გაიმართა
ზუგდიდში გამართულ შეხვედრაზე საქართველოს ეკლესიის ავტოკეფალიას, ქრისტიანობის სახელმწიფო რელიგიად გამოცხადების 1700 წლისთავსა და ქართული კულტურის მრავალფეროვნებას დაეთმო ყურადღება.