გორისა და ატენის მიტროპოლიტმა ანდრიამ ეროვნული გამოცდების დაწყებამდე აბიტურიენტები დალოცა
გორისა და ატენის მიტროპოლიტი ანდრია. ფოტო: ეპარქიის გვერდი
26 ივნისს გორისა და ატენის მიტროპოლიტმა ანდრიამ აბიტურიენტებისთვის პარაკლისი აღავლინა და ახალგაზრდები მოახლოებული ერთიანი ეროვნული გამოცდების წინ დალოცა.
ქადაგებისას მეუფემ აღნიშნა, რომ სტუდენტობის წლები ადამიანის ცხოვრებაში ერთ-ერთი ყველაზე მნიშვნელოვანი და დასამახსოვრებელი ეტაპია, ამიტომ ახალგაზრდებმა ეს პერიოდი უნდა გამოიყენონ ცოდნისა და განათლების შესაძენად.
„მთავარია, თქვენ ეს დრო გამოიყენოთ სწორად, დრო არ გაფლანგოთ და შეიძინოთ სწავლება, ცოდნა. ცოდნის შეძენას, უპირველეს ყოვლისა, გულმოდგინება სჭირდება. ადამიანი შეიძლება ნიჭიერი იყოს, მაგრამ თუ მას გულმოდგინება აკლია, ცოდნის ხარისხიც და რაოდენობაც შემცირდება,“ – აღნიშნა მიტროპოლიტმა.
მისი თქმით, სწავლასა და ნიჭთან ერთად აუცილებელია ღვთის შეწევნა და კურთხევა, რადგან მიღებულმა ცოდნამ ადამიანი არა მხოლოდ ინტელექტუალურად, არამედ სულიერადაც უნდა განავითაროს და მისი ნაყოფი სიკეთესა და შემოქმედებით საქმიანობაში გამოვლინდეს.
მეუფე ანდრიამ აბიტურიენტებს წარმატება უსურვა საგამოცდო პერიოდში და ხაზი გაუსვა, რომ ცოდნა უნდა ემსახურებოდეს სამშობლოს, საზოგადოებას, ეკლესიასა და თითოეული ადამიანის კეთილდღეობას.
„ღმერთმა დაგლოცოთ ყველანი, ძვირფასო აბიტურიენტებო, და გისურვებთ წარმატებით გამოცდების ჩაბარებას,“ – მიმართა ახალგაზრდებს გორისა და ატენის მიტროპოლიტმა.
მართლმადიდებელ ჟურნალისტთა კავშირი წერდა, გორისა და ატენისა და სამთავისისა და კასპის ეპარქიების სამრევლო სკოლებს შორის სპორტული შეჯიბრება გაიმართა.
წაიკითხეთ ასევე
საქართველოდან ამერიკაში სიწმინდეებს ჩააბრძანებენ
9 ოქტომბერს საქართველოს საპატრიარქოს დელეგაცია ამერიკის შეერთებულ შტატებში ყოვლადწმიდა ღვთისმშობლის წილხვდომილობის ხატსა და წმინდა გაბრიელ აღმსარებლისა და სალოსის ხატს ჩააბრძანებს.
საპატრიარქოს ახალგაზრდულ სახლში „ღირებულებითი განათლების“ კლუბი ჩამოყალიბდა
კლუბს იღუმენი ლუკა (ფალავანდიშვილი) და მღვდელი ნიკოლოზ როინიშვილი უხელმძღვანელებენ.
გურჯაანისა და ველისციხის ეპარქიის 10 სკოლაში „ღირებულებითი განათლების“ კლუბი ფუნქციონირებს
სოფელ გურჯაანის საჯარო სკოლაში კლუბის მორიგი შეხვედრა გაიმართა, რომლის მთავარი თემა „ადამიანის მისია“ იყო.
მიტროპოლიტმა ილარიონმა საპატიო სიგელით დააჯილდოვა საერო პირები
მესტიისა და ზემო სვანეთის მიტროპოლიტმა ილარიონმა საქართველოს მართლმადიდებელი ეკლესიის წინაშე გაწეული განსაკუთრებული ღვაწლისთვის რამდენიმე საერო პირი საპატიო სიგელით დააჯილდოვა.
მიტროპოლიტმა იობმა ბერმუხის მამათა მონასტერში საღმრთო ლიტურგია აღავლინა
4 ოქტომბერს, ბერმუხის წმინდა იოსებ კათალიკოსის სახელობის მამათა მონასტერში, მროველ-ურბნელმა მიტროპოლიტმა იობმა (აქიაშვილი) საღმრთო ლიტურგია აღასრულა.
პატრიარქ შიო III: „სიყვარულის და პატიების გარეშე არანაირი სამართლიანობა არ არსებობს“
სრულიად საქართველოს კათოლიკოს-პატრიარქმა შიო III-მ სულთმოფენობიდან მეთვრამეტე კვირას მორწმუნეებს პატიების, გულმოწყალებისა და ლოცვის მნიშვნელობაზე ესაუბრა.