გორისა და ატენის მიტროპოლიტმა ანდრიამ აბიტურიენტები დალოცა და მათთვის პარაკლისი აღავლინა

21 ივნისს, საკვირაო საღვთო ლიტურგია გორისა და ატენის მიტროპოლიტმა ანდრიამ ყოვლადწმინდა ღვთისმშობლის შობის სახელობის გორის საკათედრო ტაძარში აღავლინა.

მსახურების დასრულების შემდეგ მიტროპოლიტმა აბიტურიენტებისთვის პარაკლისი გადაიხადა. მეუფემ ახალგაზრდები დალოცა, მათ ღვთის წყალობა, სულიერი სიმტკიცე და წარმატება უსურვა ცხოვრების ახალ ეტაპზე.

მიტროპოლიტმა ანდრიამ აბიტურიენტებს მოუწოდა, გამოცდების პერიოდში იმედითა და რწმენით იარონ დასახული მიზნებისკენ, ხოლო უფლის შეწევნით ცოდნისა და შრომის ნაყოფი ღირსეულად მიიღონ.

პარაკლისის დასრულების შემდეგ სასულიერო პირმა მომავალ სტუდენტებს ერთიანი ეროვნული გამოცდების წარმატებით ჩაბარება და პროფესიულ გზაზე წარმატებები უსურვა.

ადრე მართლმადიდებელ ჟურნალისტთა კავშირი წერდა, რომ შიო III 28 ივნისს აბიტურიენტებს დალოცავს.

წაიკითხეთ ასევე